بەریتانیا

پێشوازی لە دەستلەکارکێشانەوەی بارزانی دەکەین و داوا لە هەولێر و بەغدا دەکەین دانوستان بکەن بەریتانیا: پێشوازی لە دەستلەکارکێشانە

  • کۆدی هه واڵ : 863561
  • سه ر چاوه : Nrt
Brief

سەردەمى سیاسیى بارزانى و تاڵەبانى کۆتایى پێهات

بۆریس جۆنسن وەزیرى دەرەوەى بەریتانیا ڕایگەیاند، پێشوازی دەکەن لە دەستلەکارکێشانەوەى بارزانى تاوەکو نەوەیەکی نوێی کورد لە هەرێمى کوردستان ڕۆڵ ببینن. ڕاشیگەیاندووە، پێویستە سەرکردەکان دامەزراوەی بەهێزی دیموکراتی بنیات بنێن و بە پشت بەستن بە دەستووری عێراق جیاوازییە دێرینەکانی نێوان حکومەتی هەرێمی کوردستان و حکومەتی عێراق چارەسەربکەن، ئەوان پاڵپشتی تەواوی بەریتانیایان دەبێت.

دوانیوەڕۆی ڕۆژی یەکشەممە وەزیری دەرەوەی بەریتانیا لەگەڵ هەردوو سەرۆک وەزیرانی عێراق و هەرێمی کوردستان قسەی کردووە. بۆریس جۆنسن وەزیری دەرەوەی بەریتانیا داوای لە هەردوولا کردووە کە پشتبەستوو بە دەستوور چارەسەرێکی خێرایی گرژییەکانی نێوان کورد و عێراق بکەن. پاڵپشی بەردەوامی بەریتانیاشی بۆ کورد لە عێراقێکی یەکپارچە دەرخست.

ماڵپەڕی حکومەتی بەریتانیا لەسەر زاری بۆریس جۆنسن نووسیویەتی، شەوی ڕابردوو، قسەم لەگەڵ حەیدەر عەبادی سەرۆکوەزیرانی عێراق و نیچیرڤان بارزانی سەرۆکوەزیرانی حکومەتی هەرێمی کوردستان کرد. داوام لە هەردووکیان کرد کە بەردەوام بن لە هەوڵەکانیان بۆ ئارام کردنەوەی دۆخی عێراق و لە هەڵەتێگەیشتنەکان دووربکەونەوە کە لەوانەیە سەربکێشێت بۆ ململانێ.

بەریتانیا پێشوازی لە خواستی حکومەتی عێراق و حکومەتی هەرێمی کوردستان دەکات بۆ ئەنجامدانی گفتوگۆ لەسەر بنەمای دەستوری عێراق. بەریتانیا هانی هەردوولا دەدات بۆ دانانی خشتەیەک بۆ گفتوگۆکان.

وتوشیەتی، بەریتانیا پاڵپشتی لە سەروەری و یەکپارچەیی و یەکگرتوویی عێراق دەکات و پاڵپشتی هەموو خەڵکی عێراق دەکات، لە ناویشیاندا کوردی عێراق لە عێراقێکی یەکپارچەدا.

بۆریس جۆنسن ئاماژەی بەوەشداوە کە بە لایەوە گرنگە هەموو حزبەکان تەرکیزیان بخەنە سەر جەنگی دژی داعش ڕێگەگرتن لە سەرهەڵدانەوەی، هەروەها تەرکیز بخەنە سەر ئاوەدان کردنەوەی شارۆچکە و گوند و خەڵکی ڕزگارکراو.

هەروەها وتوشیەتی، دوێنێ، مەسعود بارزانیش دەستی لە پۆستی سەرۆکایەتی هەرێمی کوردستان کێشایەوە. ئێمە پێشوازی دەکەین بۆ ئەو هەڵەی کە دەستلەکارکێشانەوەکو دەیداتە سەرکردایەتی هەرێمی کوردستان تاوەکو نەوەیەکی نوێی کورد ڕۆڵ ببینن. پێویستە سەرکردەکان دامەزراوەی بەهێزی دیموکراتی بنیات بنێن و بە پشت بەستن بە دەستووری عێراق جیاوازییە دێرینەکانی نێوان حکومەتی هەرێمی کوردستان و حکومەتی عێراق چارەسەربکەن، ئەوان پاڵپشتی تەواوی بەریتانیایان دەبێت.

لە کۆتاییدا دەڵێت، حکومەتی عێراق و هەرێمی کوردستان هاوپەیمانی بەهێزی بەریتانیابوون لەم چەند ساڵەی پێشوودا دوای ئەوەی چووینە هاوپەیمانی شەڕی دژ بە داعش لە هەرێمەکەدا. دەمەوێت سڵاو و ڕێزی خۆم پێشکەشکەم بە سەرکردایەتی پێشووی مەسعود بارزانی لەو شەڕەدا، پێشکەشی بکەم بەو چەند ساڵەی خزمەتکردنی بە گەلی کوردی عێراقی و ئەو ڕۆڵەی کە لە پێکهێنانی عێراقێکی مۆدێرندا هەیبوو.

هاوکات وەزارەتى دەرەوەى ئەمریکا ڕایگەیاند، پێشوازى لە دەست لەکارکێشانەوەکەى بارزانى دەکەن و داواشى لە هەولێر و بەغدا کردبوو کە پەلە بکەن لە چارەسەرکردنى کێشەکانى نیوانیانیاندا لە چوارچێوەى دەستوورى عێراقدا.

ئەوەش لەکاتێکدایە ڕۆژى ٢٥ى ئەیلولی ٢٠١٧ بارزانى ڕیفراندۆمى بۆ سەربەخۆیى ئەنجامدا، کە وڵاتانى ئەمریکا و یەکێتى ئەوروپا، ئەنجوومەنى ئاسایش، کۆمکارى عەرەب و ئێران، تورکیا و عێراق داواى داخستنیان کردبوو.

لە دواى ئەوەش ڕۆژى ١٦ی تشرینى یەکەمی ٢٠١٧ هێزە عێراقییەکان هێرشیانکردە سەر ناوچە کوردستانییەکانى دەرەوەى ئیدارەى هەرێم و بەوەش ٥١%ی خاکى کوردستان لە هێزە کوردستانیەکان وەرگیرایەوە.

بە دواى ئەو پێشهاتانەدا، دوێنێ ٢٩ى تشرینى یەکەمی ٢٠١٧ بارزانى لە نامەیەکیدا بۆ سەرۆکایەتیى پەرلەمانى کوردستان ڕایگەیاندبوو، ئامادەنییە بەردەوام بێت لە پۆستى سەرۆکى هەرێمى کوردستاندا و داواشى کردبوو یاساى سەرۆکایەتیى هەرێمى کوردستان هەموار نەکرێتەوە و هەر ٢١ دەسەڵاتەکەشى بەسەر پەرلەمان و حکومەت و ئەنجوومەنى دادوەریدا دابەشکرد.

هەر ئەمڕۆ فریدریک تیسۆ کۆنسوڵى پێشووى فەڕەنسا لە شارى هەولێر و یەکێک لە ڕاوێژکارەکانى بارزانى بۆ ڕیفراندۆم ڕایگەیاند، ئەوان بارزانی-یان بۆ پرسى ڕیفراندۆم بە هەڵەدا بردووە. تیسۆ ڕاشیگەیاندووە، سەردەمى سیاسیى بارزانى و تاڵەبانى کۆتایى پێهات.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران