هەشت حیزبی تورکمانی گشتپرسییان لە کەرکووک بایکۆتک کرد

  • کۆدی هه واڵ : 853465
  • سه ر چاوه : Ckb.abna24
Brief

داوایان لە تورکمانەکان کرد بەشداری لە گشتپرسیی هەرێمی کوردستان بۆ سەربەخۆیی نەکەن.

بەسەرۆکایەتیی بەرەی تورکمانی، ئەمڕۆ (شەممە، 9-9-2017) حەوت حیزبی تورکمانی لە کەرکووک بایکۆتکردنی گشتپرسییان راگەیاند و، داوایان لە تورکمانەکان کرد بەشداری لە گشتپرسیی هەرێمی کوردستان بۆ سەربەخۆیی نەکەن.

بە پێی هەواڵ دەری ئەهلی بەیت.ع.ابنا: لە کۆنگرەیەکی رۆژنامەڤانیدا بەرەی تورکمانی عێراق، حیزبی تورکمان ئیللی، حیزبی دادپەروەریی تورکمانی عێراقی، حیزبی بڕیاری تورکمانی، حیزبی حەقی تورکمانی، بزووتنەوەی وەفای تورکمانی، یەکێتی ئیسلامیی تورکمانی عێراق و گردبوونەوەی نەتەوەیی تورکمان بایکۆتی گشتپرسییان راگەیاند.

وەکو لە راگەیەندراوی حیزبە تورکمانییەکاندا هاتووە "ئەنجامدانی گشتپرسی لە رۆژی 25ـی ئەیلوولی 2017 رەتدەکەینەوە، بەهۆی ئەوەی پێچەوانەی دەستووری عێراقە. بڕیاری ئەنجوومەنی پارێزگای کەرکووکیش لە رۆژی 29ـی ئابی 2017 بەبێ ئامادەبوونی ئەندامانی تورکمان و عەرەب رەتدەکەینەوە، چونکە بڕیارێکی تاکلایەنەیە، هاوبەشی و تەوافووق لە کەرکووک تێکدەدات، هەوڵێکیشە بۆ فەرزکردنی ئەمری واقیع، حیزبە تورکمانییەکان ئەمە قبوڵ ناکەن".

لە بەشێکی دیکەی بەیاننامەکەدا جەختکراوەتەوە لە کۆنترۆڵکردنەوەی حەویجە، چونکە "رەوشی ئەمنیی کەرکووک جێگیر نابێت تاوەکو ئەو بەشە گرنگەی پارێزگای کەرکووک کۆنترۆڵنەکرێتەوە، هەر دواخستنێکی پرۆسەی کۆنترۆڵکردنەوەی حەویجە زیان بە هەموو خەڵکی پارێزگاکە دەگەیەنێت".

حیزبە تورکمانییەکان داوا لە هەرسێ سەرۆکایەتییەکەی عێراق دەکەن "ئەرکەکانیان جێبەجێبکەن لەبارەی پاراستنی یەکێتیی عێراق، رزگاریی، سەربەخۆیی و سیادەیەوە".

هەروەها حیزبە تورکمانییەکان داوایان لە هەموو تورکمانەکان کرد کە بایکۆتی گشتپرسی بکەن بەهیچ جۆرێک بەشداریی تێدا نەکەن، وەکو لە بەیاننامەکەشدا هاتووە حیزبە تورکمانییەکان "دان بە ئەنجامی گشتپرسییەکەدا نانێن، مامەڵەی لەگەڵدا ناکەن... بڕیاردان لە چارەنووسی کەرکووک تەنیا بە تەواقووف و گفتوگۆ لەنێوان پێکهاتەکانی دێتەدی و سەپاندنی ئیرادەی تاکلایەن سەرکەوتوو نابێت و شکست دەهێنێت".

رۆژی سێشەممە 29-8-2017 ئەنجوومەنی پارێزگای کەرکووک بە دەنگی 24 ئەندامی ئەنجوومەنەکە بڕیاریدا گشتپرسی لە کەرکووک ئەنجام بدرێت و داوا لە لیژنەی باڵای ریفراندۆم بکرێت لە کەرکووک ئامادەکاری بۆ بەڕێوەچوونی ئەو پرۆسەیە بکات.

ئەنجوومەنی پارێزگای كەركووك لە 41 ئەندام پێكهاتووە و 26 ئەندام لە کۆبوونەوەکەدا بەشدار بوون، کە دەکاتە 67%ی دەنگی ئەندامانی ئەنجوومەن و هەریەک لە فراکسیۆنەکانی بەرەی تورکمانی و، گردبوونی عەرەبی کۆبوونەوەکەیان بایکۆت کردبوو.

زیاتر لە 2.5 ملیۆن كەس لە ناوچە كوردستانییەكانی دەرەوەی سنووری هەرێمی كوردستان مافی بەشداریكردنیان لە گشتپرسیدا هەیە، بڕیاریشە كۆمیسیۆنی باڵای سەربەخۆی هەڵبژاردن و راپرسی 11 هەزار سندووق بۆ دەنگدان لەو ناوچانە دابنێت.


بابه تی هاو پیوند

بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران