داعش 7 ئه‌ندامی خێزانی پاسه‌وانێكی هادی عامری كوشت

داعش 7 ئه‌ندامی خێزانی پاسه‌وانێكی هادی عامری كوشت

هێشتا شه‌ڕی داعش به‌رده‌وامه‌

هادی عامری، سه‌رۆكی هاوپه‌یمانێتی فه‌تح و ئه‌مینداری گشتی رێكخراوی به‌در ده‌ڵیت: "چه‌كدارانی داعش گوشتارگه‌یه‌كیان ده‌رحه‌قی ئه‌ندامانی خێزانی یه‌كێك له‌ پاسه‌وانه‌كانم ئه‌نجامداوه‌و 7 كه‌سیان به‌یه‌كجار كوشتووه‌".

عامری له‌ گرته‌یه‌كی ڤیدیۆییدا ده‌رده‌كه‌وێت و ده‌ڵێت: "هێشتا شه‌ڕی داعش به‌رده‌وامه‌، شه‌وی رابردوو له‌ ناوچه‌كانی دیاله‌، چه‌كدارانی رێكخراوه‌ توندڕه‌وه‌كه‌ ته‌واوی ئه‌ندامانی خێزانی یه‌كێك له‌ پاسه‌وانه‌كانی منیان كوشتووه‌".

شەڕی ئێستای نێوان ھێزەكانی عێراق و چەكدارانی داعش، وەك شەڕی تۆڵەكردنەوەی لێھاتووە، چەند رۆژێك لەمەوبەر و لە تۆڵەی كوشتنی 8 رفێندراوەكە، ھێزەكانی عێراق، ئۆپەراسیۆنێكی فراوانیان دەستپێكرد، لە تۆڵه‌ی ئەوەشدا داعش لە ناوچەكانی رۆژئاوای نەینەوا و باشووری دیالە دەستی بە ھێرشەكانی كردووەتەوە و تاكو ئێستا 14 كەسیان كوشتووەو رفاندووە.

ئۆپەراسیۆنی ھێزەكانی عێراق لە باكووری رۆژھەڵاتی دیالەیە، داعش لە باشووری پارێزگاكەوە 8 كەس دەڕفێنێت و دەكوژێت.

ھێزەكانی عێراق لە ناوچەكانی باشوور و رۆژئاوای كەركووك پرۆسەی كێوماڵكردن ئەنجام دەدەن، داعش لەناوچەكانی رۆژئاوای نەینەوا ھێرش دەكات.

لە سەڵاحەدین ئۆپەراسیۆنە و لە بەغدا تەقینەوەیە.

ئیتر ئەمە حاڵی ئێستای دۆخی ئەمنی عێراقە، ئەوە شەڕی جاروبارەی نێوان ھۆزەكانی پارێزگاكانی باشوور و باندەكانی رفاندن و خۆپیشاندانەكانی خەڵك لەدژی نەبوونی كارەبا و ئاویش لەولاوە بوستێت.

سەرەڕای ئەوەی سەرجەم كەرتە سەربازییەكان، لە سوپا، پۆلیسی فیدڕاڵی، حەشدی شەعبی، بەرپەچدانەوەی خێرا و سەرجەم ھێزە ئەمنییەكانی ھەرسێ پارێزگای سەڵاحەدین، كەركووك، دیالەش بەشدارن و فڕۆكەكانی عێراق و ھاوپەیمانانیش پاڵپشتییان دەكەن، بەڵام ناتوانن سنوورێك بۆ ھێرش و كردەوەكانی داعش دابنێن، ئەمەش لەكاتێكدایە، لە ساڵی رابردووەوە كۆتایی ھاتنی داعش لەلایەن حەیدەر عەبادی سەرۆك وەزیرانەوە راگەیەنراوە.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران