حسەن رووحانی سەردانی کرماشان دەکات

حسەن رووحانی سەردانی کرماشان دەکات

حکومەت بە هەموو توانایەکی دەستبەکاربووە و هەوڵدەدات لە کەمترین کاتدا کێشەکان چارەسەر بکات

حەسەن رووحانی، سەرۆککۆماری ئێران بۆ بەهاناوەچوون و هاوکاریکردن و بەسەرکردنەوەی خانەوادەی قوربانیان و بریندار و لێقەوماوانی بوومەلەرزەکە گەیشتە پارێزگای کرماشانی رۆژهەڵاتی کوردستان و بەڵێنی هەموو هاوکارییەکی دا.

بەپێی هەواڵ دەری ئەهلی بەیت.ع. ابنا : رووحانی لە فڕۆکەخانەی کرماشان گوتارێکی پێشكەشکرد و رایگەیاند: "بەڵێن بە زیانلێکەوتووانی بوومەلەرزەکە دەدەم کە حکومەت بە هەموو توانایەکی دەستبەکاربووە و هەوڵدەدات لە کەمترین کاتدا کێشەکان چارەسەر بکات".

لە گوتارەکەیدا رووحانی داوای لە هەموو بەرپرسانی حکومی و سەربازی ئێران کرد یارمەتی زیانلێکەوتووانی بوومەلەرزەکە بدەن. ئاماژەی بۆ ئەوەش کرد کە ئەوان دەتوانن هەوڵی نۆژەنکردنەوەی نەخۆشخانەکان و مزگەوت و قوتابخانەکان و دابینکردنی پێداویستییەکان بدەن، بەڵام نۆژەنکردنەوەی خانووەکان دانێن بۆ بونیادی مەسکەن.

سەرۆککۆماری ئێران هەروەها بەڵێنی دا کە یارمەتی دارایی پێشکەشی زیانلێکەوتووان دەکەن بۆ نۆژەنکردنەوەی خانووەکانیان.

بەهۆی بوومەلەرزەکەی شەوی یەکشەممە 12-11-2017 کە گوڕەکەی لەنێوان 7 بۆ 7.6 پلەی رێختەر بوو و هەرچوار پارچەی کوردستان و چەند وڵاتێکی دەوروبەری هەژاند، کارەساتی مرۆیی گەورەی لە کرماشان خولقاند، بەجۆرێک نزیکەی 445 هاونیشتمانی گیانیان لەدەستداوە و 7 هەزار و 100 کەسیش برینداربوونە، نزیکەی 100 هەزار کەسیش ئاوارەبوونە.

بەم هۆکارە لە دوێنێوە سێ رۆژ لە پارێزگاکانی کرماشان و ئیلام و، ئەمڕۆش لە تەواوی رۆژهەڵاتی کوردستان و ئێران ماتەمینی گشتی راگەیێندراوە. هەروەها بوومەلەرزەکە لە باشووری کوردستانیش زیانی گیانی و ماددی هەبوو، 7 کەس گیانیان لەدەستدا و 321 کەسیش رەوانەی نەخۆشخانە کران.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Quds cartoon 2018
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران