عێراق: دوای كۆبونه‌وه‌ی وه‌فدی هه‌رێم و به‌غداد نوسینگه‌ی عه‌بادی به‌یاننامه‌یه‌كی بڵاوكرده‌وه‌‌

عێراق: دوای كۆبونه‌وه‌ی وه‌فدی هه‌رێم و به‌غداد نوسینگه‌ی عه‌بادی به‌یاننامه‌یه‌كی بڵاوكرده‌وه‌‌

ده‌بێت ته‌واوی ده‌سه‌ڵاتی فیدراڵی له‌ هه‌رێم كارابكرێته‌وه‌

بەپێی هەواڵ دەری ئەهلی بەیت(ع) -ابنا- حكومه‌تی عێراق داوای راده‌ستكردنه‌وه‌ی نه‌وت و فرۆكه‌خانه‌ و ده‌روازه‌كان ده‌كات وده‌ڵێت ده‌بێت موچه‌ی فه‌رمانبه‌رانی هه‌رێم له‌ژێر چاودێری دیوانی چاودێری دارایدابێت.

نوسینگه‌ی رۆژنامه‌وانی سه‌رۆك وه‌زیرانی عێراق له‌به‌یاننامه‌یه‌كدا رایگه‌یاند له‌میانی كۆبونه‌وه‌یان له‌گه‌ڵ نێچیرڤان بارزانی و وه‌فده‌ یاوه‌ره‌كه‌ی عه‌بادی رایگه‌یاندووه‌ فرۆكه‌خانه‌كانی هه‌رێم دوای ئه‌وه‌ ده‌كرێنه‌وه‌ كه‌ ته‌واوه‌تی رێكاره‌كان له‌لایه‌ن لیژنه‌ی تایبه‌تمه‌نده‌وه‌ كۆتایی دێت به‌گه‌ڕانه‌وه‌ی ته‌واوه‌تی ده‌سه‌ڵاتی فیدراڵی بۆیان.

به‌یاننامه‌كه‌ ده‌ڵێت سنور ده‌بێته‌ له‌ژێر ده‌سه‌ڵاتی فیدراڵیدا بێت، عه‌بادی جه‌ختی كردۆته‌وه‌ كه‌ پێویسته‌ حكومه‌تی هه‌رێم پابه‌ند بێت به‌و سنوره‌ی له‌ ده‌ستوری عێراقدا هاتووه‌، و نه‌وتی به‌رهه‌م هاتووی هه‌رێمیش راده‌ستی حكومه‌تی فیدراڵی بكرێت و له‌رێگه‌ی كۆمپانیای سۆمۆوه‌ هه‌نارده‌ بكرێت.

نوسینگه‌ی عه‌بادی ده‌ڵێت ده‌بێت كاری لیژنه‌ی وردبینی موچه‌ی فه‌رمانبه‌رانی هه‌رێم په‌له‌ی تێدابكرێت، و گره‌نتی ئه‌وه‌ش بدرێت كه‌ ده‌گاته‌ ده‌ست فه‌رمانبه‌ران و موچه‌خۆران و بخرێته‌ ژێر چاودێری دیوانی چاودێری دارایی فیدراڵی.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران