ئەگەر ھەرێمی کوردستان لەعێراق جیابێتەوە سنورەکان دادەخات

ئەگەر ھەرێمی کوردستان لەعێراق جیابێتەوە سنورەکان دادەخات

لەحاڵەتی جیابوونەوەی ھەرێمی کوردستان لەعێراق، وڵاتەکەی ھەموو رێککەوتنە ئەمنی و سەربازییەکانی خۆی لەگەڵ ھەرێم ھەڵدەوەشێنێتەوە

سەرۆکی ئەنجومەنی باڵای ئاسایشی نەتەوەیی ئێران رایگەیاند، لەحاڵەتی جیابوونەوەی ھەرێمی کوردستان لەعێراق، وڵاتەکەی ھەموو رێککەوتنە ئەمنی و سەربازییەکانی خۆی لەگەڵ ھەرێم ھەڵدەوەشێنێتەوە.

عەلی شەمخانی، ھەروەھا ئاماژەی بەوەکردووە، ئێران لە چوارچێوەی زامنکردنی سنووری ھاوبەشی خۆی"چاو دەخشێنێـتەوە بە چۆنێتی مامەڵەکردن و بوون و جوڵەی گروپە تیرۆرستییەکان لەھەرێمی کوردستانی عێراق، کە دژایەتی ئێران دەکەن ھەنگاوی جیاوازترو پێچەوانەی پێشوو دەگرینە بەر".

ئەوەشی خستووەتەڕوو،"ھێشتا ھەل ماوە لەبەردەستی بەرپرسانی ھەرێم، کە ئامانج لێی بەرژەوەندی گەلی کوردی و عێراقە".

شەمخانی، ھەروەھا وتوویەتی، ئەگەر سەربەخۆیی رابگەیەندرێت، ئەوا رەنگە ھەموو سنورەکان دابخرێت.

بریارە، ٢٥ی ئەم مانگە، ریفراندۆم لەھەرێمی کوردستان بەرێوەبچێت، و ١٥ی ئەم مانگە، پەرلەمانی کوردستان کۆمسیۆنی بۆ بەرێوەچوونی پرۆسەکە راسپارد.

مەسعود بارزانی ھەمان رۆژ، رایگەیاند، تائێستا بەدیلیی ریفراندۆمیان پێشکەش نەکراوە، و ریفراندۆم دواناخرێت.

مەسعود بارزانی رۆژی ١٤ی ئەم مانگە، بەدیلێکی لەجێگای ئەنجامدانی پڕۆسەی ریفراندۆم لەشاندی ئەمەریکاو بەریتانیاو ھاوپەیمانان و نەتەوەیەکگرتووەکان وەرگرت و رایگەیاند کە لەگەڵ سەرکردایەتی سیاسی کورد تاووتوێی دەکات.

بەپێی راگەیەنراوێکی سەرۆکایەتی ھەرێم، لەکۆبوونەوەیەکدا شاندی ئەو وڵاتانەو نەتەوە یەکگرتووەکان، بەدیلێکیان لەجێگای بەڕێوەچوونی ڕیفراندۆم لە ٢٥ـی٩، خستەڕوو. ھەروەھا بارزانی ئەو بەدیلەی وەرگرت و پێشوازیی لە گفتوگۆی بونیادنەرانە کرد.

ھەروەھا، سەبارەت بە ڕیفراندۆم و بەدیلی پێشنیارکراو، بارزانی ڕایگەیاندبوو "ئەوە بە تەنھا بڕیاری من نییە و ئەو بابەتە لەگەڵ سەرکردایەتیی سیاسیی کوردستان باس دەکەین و لە ماوەیەکی نزیکدا ھەڵوێستمان لەو بارەیەوە ڕادەگەیەنین".

بەڵام رۆژێک دواتر، بارزانی رایگەیاند، تائێستا بەدیلی ریفراندۆم نەخراوەتە بەردەستیان و لە ٢٥ی ئەیلول ریفراندۆم بەڕێوەدەچێت و دواناخرێت.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران