ئەبوبەکر هەڵەدنی هێرشی توند دەکاتە سەر شاسوار عبدلواحد

ئەبوبەکر هەڵەدنی هێرشی توند دەکاتە سەر شاسوار عبدلواحد

ئەبوبەکر هەڵەدنی هێرشی توند دەکاتە سەر شاسوار عبدلواحد و لە کۆتایدا ئامۆژگاری دەکات وەک خەڵک خۆی سوک و سەلیم نەکات

پەرلەمانتارێكی یەكگرتوو لە پەرلەمانی كوردستان روونكردنەوەیەكی بڵاوكردۆتەوەو تێیدا رەخنە لە (شاسوار عەبدلواحید) دەگرێت، بەوەی بەشێوەیەكی گشتی هێرش دەكاتە سەر پەرلەمانتاران و تۆمەتباریان دەكات، راشیدەگەیەنێت كە پێویست ناكات هەڵەی ئەوانە دووبارە بكاتەوە كە لەسەر شكاندنی بەرامبەرەكانیان كۆشك و تەلاری خۆیان بەرز بكەنەوە.

دەقی روونكردنەوەكە …

بەڕیز جەنابی كاك شاسوار: وەك كوڕە هەژار دەژیم و دوو، سێ خانوو سەیارەشم نییە !؟

بەڕێزت هاوڕێمی و هیواداربووم جەنابیشت لەڕێگەی سندوقی دەنگدان تاقی بكرێیتەوە (مەبەستم پارتەكەتە) و سەركەوتن بەدەست بهێنی و لەڕكابەرییەكی مەدەنیانەدا ئەسپی خۆت تاوبدەیت, بەڵام ئەوەی پێم سەیرە لەسیمینارو لێدوانەكانی جەنابت ئەوەیە كە بەڕێزت وادەزانی مێژوو لە خۆت و پارتەكەتەوە دەستپێدەكات ئەوە ئەو هەڵە بوو ئەوانەی پێش بەڕێزت تێی كەوتن و جەنابیشت لەسەر شكاندن و سفركردنی ئەوانی دی تەلاری خۆت بنیات دەنێی, ئەوەی بەلای منەوە جێگەی تێڕامان بوو ناچار بەوەڵامدانەوەی كردم ئەو تەحەدا پڕ ڕەهایەت بوو كە تۆمەتت دایە پاڵ سەرجەم پەرلەمانتاران.

ئێمە هەر دە كەسەكە لەپەرلەمانتارانی یەكگرتوو هەریەكەمان یەك ئۆتۆمبێلمان هەیە لەگەڵ یەك خانوو بەهەزار قەرزو قۆڵەوە, هەرچەند بەئاسایی دەبینم پەرلەمانتار هەبێت خاوەنی سامان و موڵك بێت گرنگ ئەوەیە بەنایاسایی و نارەوا ئەو سامانەی بونیات نەنابێت, ئاخر پەرلەمانتاری بەرێزی ئەم خولە هەیە لەتەمەنی باوكی مندایە كەبەندە تەمەنم هەشت ساڵان بوە ئەو بەرێزە كۆلێژی تەواوكردووە و دامەزراوەكەی ڕەوایە بڵێم دەبێت بەئەندازەی بەندە سامانی هەبێت.

ئەوەی پەیوەندی دارە بەخودی خۆمەوە خاوەنی یەك خانووی دوو سەد مەتریم لەگەڕەكی فەرمانبەرانی شاری سلێمانی بەژمارە (٧٦٠/٦٢) كەرتی (٣٥) كانی سپیكە, یەك سەیارەشم هەیە لەجۆری كامری مۆدێڵ (2010) لەگوندەكەشم (هەڵەدنی لانكەی شۆڕش) تەنها خاوەنی هەزارو دوو سەدو پەنجا مەتر زەوی دێمیم كەنرخەكەی لەئێستادا سێ هەزار دۆلارە, واتە هەموو سامانەكەم دە دەفتەر دۆلارە بەچل و هەشت ساڵ تەمەن و بیست و پێنج ساڵ خزمەت كە لەساڵی (1993 – 1992) كۆلێژی یاسام لەزانكۆی سەڵاحەددین تەواو كردووە.

بەڵێ هەڕەشەشم لێكراوەو چەندین جار هەوڵی تیرۆركردنم دراوە لەساڵانی نەوەدەكان و بەموعجیزەو قەدەری خوا دەرباز بووین, لە بیست و سێ ساڵیەوە پۆست و پلەو پایە خراوەتە بەردەمم، بەڵام ڕەتم كردۆتەوە, دڵنیابە كوڕە هەژارم و وەك كوڕە هەژارەكان ژیاوم و دەژیم, ڕۆژانە لەمزگەوت و پرسەو ناوبازارو گەرەك و گوند و خۆشی و ناخۆشی لەگەڵ هەژارانین و جلوبەرگی هەژارانەش دەپۆشم, لەگەڕەكێكی میلیش دەژیم نەك لەگوندە تایبەتەكان بۆیە وەك خەڵك بێ كارەباو ئاوو نەوتم و لەئازارەكانیان باش تێدەگەم.

بۆیە هیوادارم تەحەداكانی تریشت وەك ئەم تۆمەتە نەبێت كەدەیدەیتە پاڵ ئێمەمانان, پێم باشە تەنها باسی خۆت و پڕۆژەكانت و بەرنامەی هەڵبژاردن و كاندیدەكانت بكەیت, ئەو كات با یەكەم بیت و ئێمەمانانیش پیرۆزباییت لێدەكەین وەك هاوڵاتیەك چاوەرێ دەكەین بزانین بەهرەمەند دەبین لە عەدالەتەكەت, نەك شەلم كوێرم ناپارێزم بەربوویتە وێزەی هەموان و بەناشیرین كردنی هەموان بێ جیاوازی بتەوێ ڕەونەقی خۆت دەربخەیت, شوكور هۆشیارە میللەت و بەدڵنییاییەوە بڕیاری خۆی دەدات و سزای چەتە و دزو هەڵپەرست و ساختەكارەكان ئەوانەی بەنایاسایی خۆیان لێ بۆتە بڵقاسم و سەرچاوەی نەهامەتی و ئەم ڕۆژگارە پڕ كوێرەوەریەن, دەدات.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران