چاوش ئۆغڵو:

فه‌له‌ستین ته‌نیا نییه‌/مل به‌ سته‌مکاری ئه‌مریکا ناده‌ین

فه‌له‌ستین ته‌نیا نییه‌/مل به‌ سته‌مکاری ئه‌مریکا ناده‌ین

وه‌زیری ده‌ره‌وه‌ی تورکیا وتی: یه‌کێک له‌ ئه‌ندامانی نه‌ته‌وه‌ یه‌کگرتووه‌کان هه‌ڕه‌شه‌ی له‌ ئه‌وانی دیکه‌ کرد که‌ ده‌نگی نه‌خێر به‌ بڕیارنامه‌یه‌ک بده‌ن؛ ئه‌مه‌ سته‌مکارییه‌ و ئێمه‌ ملمان پێنه‌دا.

به‌ ڕاپۆرتی ئاژانسی، مه‌ولود چاوش ئۆغڵو، وه‌زیری ده‌ره‌وه‌ی تورکیا سه‌باره‌ت به‌ بڕیارنامه‌که‌ی قودس وتی: یه‌کێک له‌ ئه‌ندامانی نه‌ته‌وه‌ یه‌کگرتووه‌کان هه‌ڕه‌شه‌ی له‌ ئه‌وانی دیکه‌ کرد که‌ ده‌نگی نه‌خێر به‌ بڕیارنامه‌یه‌ک بده‌ن؛ ئه‌مه‌ سته‌مکارییه‌ و ئێمه‌ ملمان پێنه‌دا.

ئه‌و زیادی کرد: ئێمه‌ به‌ ده‌یان جار کۆبووینه‌وه‌ و ڕامانگه‌یاند که‌ فه‌له‌ستینییه‌کان ده‌بێت به‌ مافی خۆیان بگه‌ن، به‌ڵام سه‌ره‌ڕای ئه‌م هه‌وڵانه‌ی ئێمه‌ داگیرکاری هێشتا درێژه‌ی هه‌یه‌. ئه‌مڕۆ ئێمه‌ ڕایده‌گه‌یه‌نین که‌ فه‌له‌ستین ته‌نیا نییه‌ و ئامانجی سه‌ره‌کی ئێمه‌یه‌.

چاوش ئۆغڵو وتی: ئه‌مریکا به‌یتولموقه‌ده‌سی به‌ پایته‌ختی ئیسڕائیل ناسی ئه‌مه‌ دژی هه‌موو یاسا نێونه‌ته‌وه‌ییه‌کانه‌، به‌داخه‌وه‌ ئه‌نجومه‌نی ئاسایش به‌ هۆی بوونی مافی ڤیتۆ کردن نه‌یتوانی ئه‌رکی خۆی به‌ دروستی ئه‌نجام بدات.

ئه‌و هه‌روه‌ها وتی: هه‌ڕه‌شه‌ کردن له‌ وڵاتانی دیکه‌ هیچ سوودێکی نییه‌، ئێوه‌ ده‌توانن به‌هێز بن به‌ڵام ئه‌مه‌ ماف بۆ ئیوه‌ مسۆگر ناکات و خه‌ڵکی تورکیا له‌م هه‌ڕه‌شانه‌ ناترسێت و به‌رده‌وام ده‌بین له‌ یارمه‌تی دانی خه‌ڵکی فه‌له‌ستین.
...............
300


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران