سوپای‌ سوریا ته‌دمور له‌ بۆمب ‌و مین پاك ده‌كاته‌وه‌

  • کۆدی هه واڵ : 815593
  • سه ر چاوه : ابنا 24 كوردی‌
Brief

یه‌كه‌كانی‌ هه‌ڵگرتنه‌وه‌ی‌ مین ‌و تیمه‌ فریاگوزارییه‌كان، ده‌ستیان كردوه‌ به‌هه‌ڵگرتنه‌وه‌ی‌ ئه‌و مین‌و بۆمبانه‌ی‌، كه‌ تیرۆریستانی‌ داعش له‌ شاره‌كه‌دا چاندوویانن.

سوپای‌ سوریا هه‌ڵمه‌تێك ده‌ست پێ‌ ده‌كات بۆ پاككردنه‌وه‌ی‌ شاری‌ ته‌دمور له‌ بۆمب ‌و مین، به‌رپرسانی‌ ئه‌منیش ده‌ڵێن: داعش زۆربه‌ی‌ شاره‌كه‌ی‌ بۆمبڕێژ كردوه‌.

بە پێی هەواڵ دەری ئەهلی بەیت ع.ابنا: سوپای‌ سوریا له‌ به‌یاننامه‌یه‌كدا رایگه‌یاند، دوای‌ كۆنترۆڵكردنه‌وه‌ی‌ شاری‌ مێژوویی‌ ته‌دمور، یه‌كه‌كانی‌ هه‌ڵگرتنه‌وه‌ی‌ مین ‌و تیمه‌ فریاگوزارییه‌كان، ده‌ستیان كردوه‌ به‌هه‌ڵگرتنه‌وه‌ی‌ ئه‌و مین‌و بۆمبانه‌ی‌، كه‌ تیرۆریستانی‌ داعش له‌ شاره‌كه‌دا چاندوویانن.
فه‌رمانده‌كانی‌ سوپای‌ سوریا بڵاویكردوه‌ته‌وه‌، تیرۆریستانی‌ داعش زۆربه‌ی‌ رێگاكان ‌و باڵه‌خانه‌‌و شوێنه‌واره‌كانیان بۆمبڕێژ كردوه‌، ئه‌وه‌ش ده‌بێته‌ هۆی‌ دره‌نگخستنی‌ پاككردنه‌وه‌ی‌ شاره‌كه‌ له‌ بۆمب ‌و ته‌قه‌مه‌نی‌.

سوپای‌ سوریا رونیكردوه‌ته‌وه‌، داعش زیانێكی‌ ئێجگار گه‌وره‌ی‌ به‌و شاره‌ مێژووییه‌ گه‌یاندووه‌، كه‌ یه‌كێكه‌ له‌ شوێنه‌واره‌ دێرینه‌كانی‌ مێژووی‌ هه‌زاران ساڵی‌ مرۆڤایه‌تی‌.

له‌ ماوه‌ی‌ ته‌نها ساڵێكدا، شاری‌ مێژوویی‌ ته‌دمور سێ‌ جار له‌لایه‌ن تیرۆریستانی‌ داعشه‌وه‌ داگیر كراوه‌، دواتریش هێزه‌كانی‌ سوپای‌ سوریا لێیان سه‌ندوونه‌ته‌وه‌. 


بابه تی هاو پیوند

بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران