۲۲ کوژراو و بریندار هەیە؛

دوو تەقینەوە لە بەردەم کۆگای سندوقەکانی دەنگدانی کەرکووک

دوو تەقینەوە لە بەردەم کۆگای سندوقەکانی دەنگدانی کەرکووک

لە دوو تەقینەوەی بەردەم کۆگای سندوقەکانی دەنگدانی کەرکووک دا کەسێک کوژراوە و ٢١ کەسی تریش بریندار بوون.

بە ڕاپۆرتی ئاژانسی هەواڵی مێهر، کاتژمێر ٥ و ٣٠ خولەکی بەیانی ئۆتۆمبێلێکى بۆمبڕێژکراو لە بەردەم کۆگای سندوقەکانى دەنگداندا تەقیوەتەوە و لەناو کوژراوان و بریندارانیشدا هاوڵاتیان و هێزە ئەمنییەکان هەن.

سەبارەت بە ئەم ڕووداوە ئێن ئارتی نووسی: ئەو خۆکوژەى ئۆتۆمبێلەکەى تەقاندووەتەوە ویستوویەتی بچێتە ناو ئەو بینایەی سندوقەکانى لێیە و دواتر لەلایەن هێزە ئەمنییەکانەوە تەقەی لێکراوە و دواتر خۆی تەقاندووەتەوە.

هەروەها تەقینەوەیەکی تریش لەسەر ڕێگای بەغداد کەرکوک ڕوویداوە و لە ئێستادا ڕێگاکە لەلایەن هێزە ئەمنییەکانەوە داخراوە و ڕێگە نادەن شۆفێران تێپەڕببن.

 ئەوەش لە کاتێکدایە وا بڕیارە هەژمارکردنەوەی بەشێک لە سندوقەکانى دەنگدان ئەنجامبدرێت لە  کەرکوک  و چەند شارێکى تر.

..................

300


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران