ئايا ئەردوغان دەيەوێت ئيمپراتۆری عوسمانیەكان زينوبكاتەوه؟

ئايا ئەردوغان دەيەوێت ئيمپراتۆری عوسمانیەكان زينوبكاتەوه؟

سەرجەم شارەزایانی کاروباری ناوچەکە جەخت لەوە دەکەنەوە کە سیاسەتی عوسمانیزمی ئەردۆغان دەتوانێت کێشە و قەیرانەکانی ڕۆژهەڵاتی ناوەڕاست قووڵتر بکاتەوە.

ئاساییە کە دەرەنجامی وەها سیاسەتێک دەسدرێژی سەربازی تورکیا بۆ سوریا بێت، ئەویش لە کاتێکدا کە سەرجەم شارەزایانی کاروباری ناوچەکە جەخت لەوە دەکەنەوە کە سیاسەتی عوسمانیزمی ئەردۆغان دەتوانێت کێشە و قەیرانەکانی ڕۆژهەڵاتی ناوەڕاست قووڵتر بکاتەوە. هیچ گرووپ و لایەنێکی سوریا تا ئێستا پاڵپشتی لەم پرۆسە سەربازییەی ئەنکەرە دژ بە عفرین نەکردووە و ئەردۆغان تەنیا دڵخۆشە بە هاوکاری ئەو گرووپە تیرۆریستییانەی کە لەم ڕێگایەدا هاوڕێ و هاوکاری ئەم وڵاتە بوون.


نەبوونی پاڵپشتی لە پرۆسە سەربازییەکانی تورکیا لە سوریا تەنیا لایەنە سورییەکان ناگرێتەوە و وڵاتانی کاریگەری قەیرانی سوریاش دەگرێتەوە، هەر بۆیە دەتوانین بڵێین کە بەرپرسانی ئەنکەرە ڕێگایەکیان هەڵبژاردووە کە هەمووان چاوەڕوانی شکستی تورکیای تێدا دەکەن.


هیچ پاساوێک بۆ هێرشە سەربازییەکانی تورکیا لە عفرین نییە. کوردانی سوریا ئەگەرچی بە هۆی گوێڕایەڵی سیاسەتەکانی ئەمریکا لەم وڵاتە شیاوی ڕەخنەی زۆرن بەڵام لەم کاتەدا کە تورکیا هێرشی کرووەتە سەر خاکەکەیان، مافی بەرگری ڕەوایان هەیە و دەتوانن ڕووبەڕووی سوپای بێگانەی تورک ببنەوە.


لەم نێوەندەدا ئەردۆغان جارێکی دیکە بیانووە کۆنەکەی هێناوەتەوە، ئەو دەڵێت کە بوونی هێزە کوردییەکان بە درێژایی سنوری تورکیا و سوریا هەڕەشەیە لە سەر ئاسایشی نیشتمانی وڵاتەکەی و بە مافی خۆی دەزانێت کە بەرگری لێ بکات. هەمووان دەزانن کە ژمارەی دانیشتووانی کوردی سوریا کە لە سێ ناوچەی جیاجیادا دەژین بەراورد بە ژمارەی ٢٠ ملیۆن کەسی کوردانی تورکیا زۆر کەمە و ئەگەر ئەردۆغان کوردان بە هەڕەشە لە سە ئاسایشی نیشتمانی خۆی دەزانێت، پێویستە ئەوە قبووڵ بکات کە کێشەکە لە ناوخۆی ئەو وڵاتەیە نەک سوریا.


ئەم هەنگاوەی تورکیا لە سوریا بێ گومان دانوستانەکانی ئاستانە و دەرەنجامی کۆنفرانسی دیالۆگی نیشتمانی سوریا لە سووچی لاواز دەکات و بەربەستی جیدی لە بەردەم هاوپەیمانی ڕووسیا، ئێران و تورکیا لە سوریا دەخوڵقێنێت و ئەمەش دەتوانێت دۆخی سوریا جارێکی دیکە بەرەو دژواربوون ببات.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Quds cartoon 2018
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران