یەكەم كاروانی داعش لوبنانی جێ هێڵا/وێنەوڤیدیوو

  • کۆدی هه واڵ : 851266
  • سه ر چاوه : Ckb.abna24
یەكەم كاروانی پاسەكانی داعش لەگەڵ خێزانەكانیان لە سنوری لوبنانەوە گەیشتنە کۆتا خاڵ لە پارێزگای دیرەزور-ی ژێر دەسەڵاتی داعش

راگەیاندنی جەنگی سەر بە حیزبوڵای لوبنانی ئەمڕۆ سێشەممە رایگەیاند كە یەكەم كاروانی پاسەكانی داعش لەگەڵ خێزانەكانیان لە سنوری لوبنانەوە گەیشتنە کۆتا خاڵ لە پارێزگای دیرەزور-ی ژێر دەسەڵاتی داعش ئەوەش بە پێی رێككەوتنی ئاگربەست لە نێوانیاندا.

بەپێی هەواڵ دەری ئەهلی بەیت.ع.ابنا: كاروانی پاسەكان و ئۆتومبێلەكانی فریاكەوتن لە سنوری نێوان لوبنان و سوریا دوێنێ دوشەممە كەوتنە رێ بە یاوەری هێزەكانی سوپای سوریا بەرەو ناوچەكانی رۆژهەڵاتی ئەو وڵاتە كە لەژێر كۆنتڕۆڵی رێکخراوی داعشدایە.

دوای بەجێهێشتنی چەکدارانی داعش، سوپای لوبنان دوای چەند ساڵێك سنوری خۆی لەگەڵ سوریا كونترۆڵ دەكات و هێزێكی پاراستنی ئاشتی سەر بە نەتەوە یەكگرتووكان لە سنوری باشوری لوبنان لەگەڵ ئیسرائیل جێگیر دەبن.

سەرەتای ئەم هەفتەیە چەكدارانی داعش رەزامەندیان نیشاندا لەسەر چۆڵكردنی "جرود قەلەمونی رۆژئاوا" كە لەژێر كۆنترۆڵیاندابوو، بەرەو خۆرهەڵاتی سوریا دوای ئەو هێرشەی ماوەی هەفتەیەكی خایاندو لەلایەن سوپای لوبنان لەلایەك و سوپای سوریا و گروپی حزبوڵا لەلایەكی ترەوە كرایە سەر ئەو چەكدارانە.

هەروەها ئاژانسی سانا لەزاری سەرچاوەیەكی سەربازی سوپای سوریا بڵاویكردەوە، "دوای سەركەوتنی هێزە چەكدارەكانی سوریا بەهاوكاری بەرخۆدانی نیشتمانی لوبنانی (حیزبوڵای لوبنانی) لە ناوچەی جرود قەلەمونی رۆژئاوا و گەمارۆدانی رێكخراوی داعش سوپای سوریا رێككەوتنی نێوان حیزبوڵاو داعش-ی پەسەندكردوە.

ئاماژە بەوەشكراوە، كە بەپێی رێككەوتنەكە چەكدارانی داعش لەو ناوچەیە دەگوازرێنەوە بۆ ناوچەكانی رۆژھەڵاتی كۆماری عەرەبی سوریا.

حەسەن نەسروڵا، ئەمینداری گشتی حزبوڵای لوبنانی، ھەینی رابردوو رایگەیاند، ھاوكات ھاوشانی شەڕكردن لەگەڵ داعش-دا، دانوستانیان لەگەڵدا دەكەن بۆ گەیشتنە ڕێككەوتنێك.

ئەوەشی خستووەتەڕوو، كە بەھیچ جۆرێك ئاگربەست ڕاناگەیەندرێت لەپێناوی دانوستاندا، بەڵكو دەبێت ئاگربەست لەداوای گەیشتن بە رێككەوتن بێت.


............
کۆتایی پەیامی/ ۲۱۸


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران