داعش بە هێزو چەکی نوی وه هێرش دەکات

داعش بە هێزو چەکی نوی وه هێرش دەکات

داعش لەهەردوو پارێزگای سڵاحەدین و دیالە سەرهەڵدەدەنەوە

چەكدارانی تیرۆریستی داعش لەهەردوو پارێزگای سڵاحەدین و دیالە سەرهەڵدەدەنەوەو هێرشەكانیان بۆ سەر سوپاو حەشدی شەعبی دەستپێكردۆتەوە، بەرپرسێكی یەكێتیش لەسنوورەكە وردەكاریی سەرهەڵدانەوەی داعش لەو سنوورانە ئاشكرا دەكات و جموجۆڵی ئەو گروپەش بەبێ ترس لەناوچەیەكی نزیكی هەرێم بڵاودەكاتەوە.

مەلا كەریم شوكر لێپرسراوی بازنەی حەمرینی یەكێتیی نیشتمانیی كوردستان راگەیاند: هەموو ئەو شوێنانەی كەپێشتر هێزی پێشمەرگەی لێبوو لەسنووری هەردوو قەزای داقوق و خورماتوو، ئێستا بەدەست چەكدارانی تیرۆریستی داعشەوەیەو سوپاو حەشدی شەعبیش توانای كۆنتڕۆڵكردنی ئەو شوێنانەیان نییە.
بەرپرسەكەی یەكێتی ئەو ناوچانە ئاشكرادەكات كە ئێستا داعشی لێیە و وتی”لەخوارووی ناوچەی(حەفت تەغار)ەوە تادەگاتە نزیكی پردی زەرگە، هەروەها لەخوارووی قەزای داقوقەوە تادەگاتە باشوور و خۆرئاوای قەزای خورماتوو، داعشی لێیەو ژمارەشیان زۆرە، ئەمە جگەلەوەی هێزی ئاڵا سپێكە كە هەر سەر بەداعشن هاتوونەتەوە ناوچەكانی خۆیان و بەبێ ترس جموجۆڵیان هەیە”.
بەرپرسەكەی یەكێتی راشیگەیاند: لەدەوروبەری هەردوو پارێزگای سڵاحەدین و دیالەش جموجۆڵی داعش دروستبووە، لەهەریەك لەقەزاكانی داقوق و خورماتووش هێزی سەربازی كەمە و داعش دەتوانێت پەلاماریان بدات.
لەدوو رۆژی رابردوودا چەكدارانی داعش زیاتر لەسێ پەلاماریان لەسنووری قەزاكانی داقوق و خورماتوو ئەنجامدا كە چەندین كوژراو و برینداری لێكەوتەوە


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران