توركیا و چین هه‌ڵوێستی خۆیان بۆ سزاكانی سه‌ر ئێران راگه‌یاند

توركیا و چین هه‌ڵوێستی خۆیان بۆ سزاكانی سه‌ر ئێران راگه‌یاند

ئایا ئه‌مه‌ریكا دەتوانێت رێگه‌ له‌ ناردنه‌ ده‌ره‌وه‌ی نه‌وتی ئێران بگرێت؟

ئه‌مڕۆ چوارشه‌ممه‌ 8/8/2018 دوای رۆژێك له‌ جێبه‌جێبوونی سزاكانی سه‌ر ئێران، هه‌ر یه‌كه‌ له‌ توركیا و چین هه‌ڵوێستی خۆیان له‌وباره‌یه‌وه‌ راگه‌یاند، وه‌زیری ده‌ره‌وه‌ی ئێرانیش قسه‌ی له‌باره‌ی ده‌ره‌نجامه‌ خراپه‌كانی ئه‌و بڕیاره‌ بۆ ویلایه‌ته‌ یه‌كگرتووه‌كانی ئه‌مه‌ریكا كردووه‌.

له‌ ئه‌نقه‌ره‌وه‌ وەزیری وزە و سەرچاوە سروشتییەکانی تورکیا، فاتیح دونمه‌ز، بازرگانیی وزه‌ی وڵاته‌كه‌ی له‌گه‌ڵ ئێران به‌ ره‌وا ده‌زانێت و ده‌ڵێت: "ساڵانه‌ نزیكه‌ی 9 ملیار و 500 ملیۆن مه‌ترسێجا گازی سروشتی له‌ ئێران ده‌كڕین و ئه‌و

بازرگانییه‌ به‌رده‌وام ده‌بێت".

فاتیح دۆنمه‌ز له‌ میانی به‌شداریكردن له‌ په‌خشی راسته‌وخۆی كه‌ناڵی A Haber توركیدا، وه‌ڵامی پرسیاره‌كانی دایه‌وه‌ و ده‌سته‌به‌ركردنی داواكاریی وزه‌ی به‌ گرنگ له‌قه‌ڵه‌م دا و تیشكی خسته‌ سه‌ر ئه‌وه‌ی په‌یوه‌ندییه‌كی له‌ مێژینه‌ی بازرگانییان هه‌یه‌ له‌گه‌ڵ ئێران به‌ تایبه‌ت له‌ بواری هاورده‌كردنی نه‌وت و گازی سروشتیدا.

وەزیری وزە و سەرچاوە سروشتییەکانی تورکیا، فاتیح دونمەز ئاماژه‌ی به‌وه‌دا كه‌ هاورده‌كردنی گازی سروشتییان له‌ ئێرانه‌وه‌ به‌پێی گرێبه‌ستی قۆناغی دوورمه‌ودا ئه‌نجام داوه‌ و گوتی: "ماوه‌ی ئه‌و گرێبه‌ستانه‌ تاكو 2026 به‌رده‌وام ده‌بێت.

وه‌زیری ده‌ره‌وه‌ی چینیش په‌یوه‌ندی نێوان ئێران و وڵاته‌كه‌ی به‌ كراوه‌و روون و ره‌وا ناوبردووه‌. ئه‌وه‌ش له‌ كاتیكدایه‌ كه‌ دۆناڵد تره‌مپ سه‌رۆكی ویلایه‌ته‌ یه‌كگرتووه‌كانی ئه‌مه‌ریكا هه‌ڕه‌شه‌ی سزادانی توندی ئه‌و لایه‌ن و كۆمپانیانه‌ی كردبوو‌ كه‌ مامه‌ڵه‌ له‌گه‌ڵ ئێراندا ده‌كه‌ن.

وه‌زیری ده‌ره‌وه‌ی چین له‌ به‌یاننامه‌یه‌كدا رایگه‌یاند: "چین دژی سه‌پاندنی سزای تاكلایه‌نه‌یشه‌‌".

له‌ تارانیشه‌وه‌ محه‌مه‌د جه‌واد زه‌ریف، وه‌زیری ده‌ره‌وه‌ی ئێران گوتوویه‌تی: "ئه‌مه‌ریكا ناتوانێت رێگه‌ له‌ ناردنه‌ ده‌ره‌وه‌ی نه‌وتی ئێران بگرێت".

له‌ هه‌مان چوارچێوه‌دا رۆژی سێشه‌ممه‌ 7/8/2018 راوێژكاری ئاسایشی نه‌ته‌وه‌یی ئه‌مه‌ریكا ئاماژه‌ی به‌وه‌كردبوو‌ كه‌ ویلایه‌ته‌ یه‌كگرتووه‌كانی ئه‌مه‌ریكا له‌گه‌ڵ وڵاتانی دیكه‌ كار بۆ ئه‌وه‌ ده‌كات داهاتی نه‌وتی ئێران كه‌مبكاته‌وه‌ تا ده‌یگه‌یێنێته‌ ئاستی سفر و گوتوویه‌تی: "ئێستا ده‌بینین سزاكان جێگه‌ی خۆیان ده‌گرن و به‌كرده‌یی به‌رهه‌مه‌كه‌ی ده‌ركه‌وتووه‌ و ده‌بێته‌ هۆی درووستكردنی كاریگه‌ری خراپ و گه‌وره‌ بۆ سه‌ر ئابووریی ئێران".

له‌ رۆژی سێشه‌ممه‌ 7/8/2018 قۆناغی یه‌كه‌می سزاكانی سه‌ر ئێران خراوونه‌ته‌ بواری جێبه‌جێكرده‌وه‌و بڕیاره‌ مانگی نۆڤه‌مبه‌ری ئه‌مساڵ سزاكانی سه‌ر تاران قورستر بكرێن و ناردنه‌ ده‌ره‌وه‌ی نه‌وتیش بگرێته‌وه‌.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Quds cartoon 2018
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران