ئیسراییل دەبێ کۆتایی بێنێ بە شارۆچکەسازی

ئیسراییل دەبێ کۆتایی بێنێ بە شارۆچکەسازی

شارۆچکەسازییەکانی ئیسراییل لەگەڵ بڕیارنامەی ٢٣٣٤ی ئەنجومەنی ئاسایشی نەتەوە یەکگرتووەکان نایەتەوە.

باڵیۆزی چین لە نەتەوە یەکگرتووەکان ڕۆژی چوارشەممە داوای لە ڕژێمی زایۆنی کرد پێبەبند بێ بە یاسا و ڕێسا نێودەوڵەتییەکان و کۆتایی بێنێ بە ڕەوتی ڕۆنانی شارۆچکەسازی لە زەوی و زاری فەلەستینییەکاندا.

“ماژائۆ شو” Ma Zhaoxu راشکاوانە رایگەیاند: شارۆچکەسازییەکانی ئیسراییل لەگەڵ بڕیارنامەی ٢٣٣٤ی ئەنجومەنی ئاسایشی نەتەوە یەکگرتووەکان نایەتەوە.

باڵیۆزی چین لە ڕێکخراوی نەتەوەکان هەروەها وتی: ئیسراییل دەبێ کۆتایی بێنێ بە کاول کردنی ماڵ و تیابردنی سامانی فەلەستینییەکان.

ئەنجومەنی ئاسایشی نەتەوە یەکگرتووەکان ٢٣ی دێسەمبەری ٢٠١٦ لە بریارنامەیەکدا (بڕیارنامەی ٢٣٣٤) داوای لە ڕژێمی زایۆنی کرد خێرا و بە تەواوەتی هەموو چالاکیی شارۆچکەسازیی خۆی لە فەلەستینی داگیرکراو ڕابگرێ.

ڕژێمی زایۆنی بەردەوام بە بێ ئاوڕدانەوە لە ویست و خواستی کۆمەڵگەی جیهانی درێژەی داوە بە ڕۆنانی شارۆچکەی نوێ بۆ زایۆنییەکان و لەم بوارەشدا ئەمریکا وەکوو هەمیشە پشتیوان و پاڵپشتیەتی.

ڕژێمی ئیسراییل بە ڕۆنانی شارۆچکەی زایونی نشین بە نیازی گۆڕینی داڕشتی جوگرافیایی ناوچە فەلەستینییەکان و بەخشینی سیمایەکی زایۆنی بەو ناوچانەیە تا بە تەواوەتی دەست بگرێ بەسەر بست بە بستی خاکی فەلەستین و دەسەڵاتی خۆی زاڵ کات بە سەر هەموو ناوچە فەلەستییەکاندا.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران