ترامپ

عێراق لە لیستی حەوت وڵاتەکە دێتە دەرەوە

  • کۆدی هه واڵ : 815121
  • سه ر چاوه : ابنا 24 كوردی‌
Brief

فه‌رمانه‌ نوێكه‌ی‌ تره‌مپ دوای‌ فشاری‌ وه‌زاره‌ته‌كانی‌ به‌رگری‌ ‌و ده‌ره‌وه‌ی‌ ئه‌مریكا دێت، كه‌ داوایان كردوه‌ به‌هۆی‌ ڕۆڵی‌ سه‌ره‌كی‌ له‌شه‌ڕی‌ دژ به‌ داعشدا ڕه‌چاوی‌ عێراق بكرێت ‌و له‌ لیسته‌كه‌ ده‌ربهێنرێت.

دۆناڵد تره‌مپ سه‌رۆكی‌ ئه‌مریكا، فه‌رمانێكی‌ نوێ‌ سه‌باره‌ت به‌ كۆچبه‌ران ده‌رده‌كات ‌و عێراق له‌ لیستی‌ ئه‌و حه‌وت وڵاته‌ ده‌رده‌هێنێت كه‌ ڤیزای‌ ئه‌مریكایان پێنادرێت.

بە پێی هەواڵ دەری ئەهلی بەیت .ع. ابنا: چوار به‌رپرسی‌ ئه‌مریكی‌ كه‌ ناویان ئاشكرا نه‌كراوه‌، به‌ ئاژانسی‌ هه‌واڵی‌ ئه‌سۆشییه‌تد پرێسیان ڕاگه‌یاندوه‌، فه‌رمانه‌ نوێكه‌ی‌ تره‌مپ دوای‌ فشاری‌ وه‌زاره‌ته‌كانی‌ به‌رگری‌ ‌و ده‌ره‌وه‌ی‌ ئه‌مریكا دێت، كه‌ داوایان كردوه‌ به‌هۆی‌ ڕۆڵی‌ سه‌ره‌كی‌ له‌شه‌ڕی‌ دژ به‌ داعشدا ڕه‌چاوی‌ عێراق بكرێت ‌و له‌ لیسته‌كه‌ ده‌ربهێنرێت.

دۆناڵد تره‌مپ له‌ 27ی‌ كانونی‌ دووه‌می‌ ئه‌مساڵدا بڕیاریدا ڤیزای‌ ئه‌مریكا به‌ هاوڵاتیانی‌ حه‌وت وڵات نه‌درێت كه‌ زۆربه‌ی‌ دانیشتوانه‌كانیان مسوڵمانن.

به‌وته‌ی‌ به‌رپرسه‌كانی‌ كۆشكی‌ سپی‌، چاوه‌ڕوانده‌كرێت ئه‌مڕۆ تره‌مپ واژۆ له‌سه‌ر بڕیاره‌ نوێیه‌كه‌ بكات، ئه‌وه‌ش له‌كاتێكدایه‌ كه‌ بڕیاره‌كه‌ی‌ پێشووی‌ تره‌مپ له‌ لایه‌ن دادگای‌ ئه‌و وڵاته‌وه‌ راگیراوه‌.

ئه‌وه‌ش له‌كاتێكدایه‌ به‌هۆی‌ ناڕه‌زایه‌تیه‌كان له‌باره‌ی‌ بڕیاره‌كه‌یه‌وه‌، دۆناڵد تره‌مپ پێشتر ڕایگه‌یاندبوو به‌مزوانه‌ بڕیارێكی‌ نوێ واژۆ ده‌كات ‌و نیگه‌رانیه‌كانی‌ دادوه‌رانی‌ دادگاكانی‌ تێهه‌ڵچوونه‌وه‌ له‌باره‌ی‌ كۆچه‌وه‌ له‌به‌رچاو ده‌گرێت.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

داعش
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
کۆپی رایت 2015 هه مو مافه کان پاریز راون بو بونیادی ابناء الرسول له تاران