ئۆپه‌راسیۆنی‌ نوێی حه‌شدی‌ شه‌عبی‌ له‌حه‌ویجه‌ ده‌ستپێكرد

  • کۆدی هه واڵ : 857831
  • سه ر چاوه : Ckb.abna24
Brief

حه‌شدی‌ شه‌عبی‌ ئه‌مڕۆ ده‌ستپێكردنی‌ ئۆپه‌راسیۆنێكی‌ سه‌ربازی‌ راگه‌یاند، بۆ كۆنتڕۆڵكردنه‌وه‌ی‌ ئه‌و ناوچانه‌ی‌ قه‌زای‌ حه‌ویجه‌

بەپێی هەواڵ دەری ئەهلی بەیت.ع.ابنا: حه‌شدی‌ شه‌عبی‌ ئه‌مڕۆ ده‌ستپێكردنی‌ ئۆپه‌راسیۆنێكی‌ سه‌ربازی‌ راگه‌یاند، بۆ كۆنتڕۆڵكردنه‌وه‌ی‌ ئه‌و ناوچانه‌ی‌ قه‌زای‌ حه‌ویجه‌ له‌باشوری‌ خۆرئاوای‌ كه‌ركوك كه‌ تائێستا له‌ژێر ده‌ستی‌ داعشدان.

راگه‌یاندنی‌ حه‌شدی‌ شه‌عبی‌ له‌به‌یاننامه‌یه‌كدا رایگه‌یاند، هێزه‌كانی‌ حه‌شدی‌ شه‌عبی‌ و هێزه‌ ئه‌منییه‌كان، له‌زیاتر له‌میحوه‌رێكه‌وه‌ ئۆپه‌راسیۆنێكییان ده‌ستپێكردووه‌، بۆ رزگاركردنی‌ ئه‌و ناوچانه‌ی‌ هێشتا له‌ژێر ده‌ستی‌ داعشدان، له‌چوارچێوه‌ی‌ قۆناغی‌ دووه‌می‌ ئۆپه‌راسیۆنی‌ كۆنتڕۆڵكردنه‌وه‌ی‌ حه‌ویجه‌.

ئاماژه‌ی‌ به‌وه‌شكردووه‌، حه‌شدی‌ شه‌عبی‌ و هێزه‌ ئه‌منییه‌كان، به‌ رزگاركردنی‌ (فه‌تحه‌) له‌باشوری‌ خۆرئاوای‌ حه‌ویجه‌ ده‌ستیان به‌پڕۆسه‌كه‌ كردووه‌.

شانه‌ی‌ راگه‌یاندنی‌ جه‌نگی‌ ئێواره‌ی‌ دوێنێ كۆنتڕۆڵكردنه‌وه‌ی‌ به‌شی‌ باشوری‌ زنجیره‌ چیای‌ (مه‌كحول) ی‌ راگه‌یاند، له‌چوارچێوه‌ی‌ قۆناغی‌ دووه‌می‌ ئۆپه‌راسیۆنی‌ كۆنتڕۆڵكردنه‌وه‌ی‌ حه‌ویجه‌دا.

كۆتایی مانگی‌ رابردوو حه‌یده‌ر عه‌بادی‌ سه‌رۆك وه‌زیرانی‌ عێراق ده‌ستپێكردنی‌ قۆناغی‌ دووه‌می‌ ئۆپه‌راسیۆنی‌ كۆنتڕۆڵكردنه‌وه‌ی‌ حه‌ویجه‌ راگه‌یاند.

لەئۆپەراسیۆنی کۆنتڕۆڵکردنەوەی قەزای حەویجەدا كه‌ 21 ی‌ مانگی‌ رابردوو ده‌ستیپێكرد، ٤٢ ھەزار سەربازی سوپای عێراق و چەکداری گروپەکانی دیکە بەشدارن، ئامانج لەئۆپەراسیۆنەکە کۆنتڕۆڵکردنەوەی ٤٠٨١ کیلۆمەتر دووجای خاکی حەویجەیە.

قەزای حەویجەو چەند ناحیەیەکی دەوروبەری کە لەسەدا 32 ی پارێزگای کەرکوک پێکدەھێنن، لەمانگی حەوتی ساڵی 2014 وە کەوتوونەتە ژێر دەستی داعش.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران