پەیامی رێبەری باڵای شۆڕشی ئیسلامی بۆ حاجیانی بەیتوڵڵاهی لحەرام

پەیامی رێبەری باڵای شۆڕشی ئیسلامی بۆ حاجیانی بەیتوڵڵاهی لحەرام

حەزرەتی ئایەتوڵڵا خامنەیی رێبەری باڵای شۆڕشی ئیسلامیی لە پەیامێکدا بو حاجیانی بەیتوڵڵاهیلحەرام ، دیاری کردنی ژوانگەیەکی هەمیشەیی بۆ ئەنجامدانی فەریزەی حەجی بە هێمایەک بۆ یەکگرتوویی و ئۆمەت سازیی ئیسلام زانی و بە ئاماژە بە سیاسەتی شەڕخوازانەی ئەمریکا لە نێو موسوڵمانان جەختی کردەوە : دەبێ بە وشیاری، ئەم سیاسەتە شەیتانیە پوچەڵ بکرێتەوە و حەج و بەرائەت لە موشریکان ، رێخۆشکەری ئەم وشیاریەیە .

دەقی پەیامی رێبەری باڵای شۆڕشی ئسلامیی کە سەرلەبەیانی ئەمڕۆ لە لایەن قازی عەسکەر نوێنەری وەلی فەقیە و سەرپەرستی حاجیانی ئێرانی لە سەحرای عەرەفات خوێندرایەوە ، بەم جۆرەیە :

بسم‌ اﷲ‌ الرّحمن‌ الرّحیم

و الحمد للّه و الصّلاة علی رسوله المصطفی و آله الاطهار الابرار و صحبه الاخیار. قال اللّه تعالی:  وَ اَذِّن فِی النّاسِ بِالحَجِّ یَأتوکَ رِجالًا وَ عَلی کُلِّ ضامِرٍ یَأتینَ مِن کُـلِّ فَجٍّ عَمیقٍ ‍‍× لِیَشهَدوا مَن‍ـافِ‍ـعَ لَهُم  وَ یَذکُرُوا اسمَ اللهِ فیِّ اَیّامٍ مَعلومات.

ئەم ئاوازە عەرشیە هەروا دڵان بانگ دەکات و لە هەوراز و نشێوی سەدە و سەردەمەکانەوە ، مرۆڤایەتی بانگشێت دەکا بەرەو تەوەری تەوحید و تاکانەپەرستی .  هەموو مرۆڤەکان ، بەردەنگی ئەم بانگەوازە ئیبراهیمیەن  و شانازن پێی ، هەرچەند کە هەندێ گوێچکە نەیبیسن و دڵانی ژێر حیجابی غەفڵەت و نەزانی ، لێی بێبەش بمێنن و ئەگەرچی کەسانێک لێوەشاوەیی ئامادەبوون لەم خوانە جیهانیە و هەمیشەییە لە خۆیاندا نەڕەخسێنن  یان بە هەر هۆیەکەوە تەوفیقی ئەوە بەدەست نەهێنن .

ئێستا ئێوە ئەم بەختەتان هەیە وپێتان ناوەتە مەڵبەندی ئەمنی میوانسەرای ئیلاهی .  عەرەفات و مەشعەر و مینا ، سەفا و مەروە و بەیت ،  مەسجیدولحەرام و مەسجیدونەبی ، لە هەر شوێنێکی ئەم ریوڕەسم و مەشاعیرانە دا ، هەرکام پارچەیەک لە زنجیرەی مەعنەویەت و عروجی رۆحی بۆ حاجیەکە کە قەدری ئەم تەوفیقە بزانێ و بۆ پاککردنەوەی خۆی سوودی لێوەردەگرێ و بۆ باقی تەمەنی خۆی تۆشەی لێوەرگرێ .

خاڵی گرنگ کە هەر مرۆڤێکی بیرمەند گوێ قوڵاخ و هەستیار دەکات ، دیاریکردنی ژوانگەیەکی هەمیشەیی بۆ هەموو خەڵک و هەموو نەوەکان و لە تێکڕای ئەم ساڵانەدا ، لە شوێنێکی تایبەت و لە  بازنەیەکی زەمەنی تایبەت دایە . ئەم یەکیەتیەی کات و شوێن ، یەکێک لە نهێنیە سەرەکیەکانی فەڕزی حەججە .

بێگومان یەکێک لە باڵاترین نمونەکان بۆ «لِیَشهَدوا مَن‍ـافِ‍ـعَ لَهُم»  هەر ئەم دیدارەی ساڵانەی تاکەکانی ئۆمەتی ئیسلامیی لە ژێر سایەی ماڵی خوادایە و ئەوە ، نهێنی یەکیەتی ئیسلامیی و هێمای ئۆمەت سازیە کە دەبێ لە ژێر سێبەری بەیتوڵڵادا بێت . ماڵی خوا هی هەمووانە : سَ‍ـواّْءَ العـاکِفُ فیهِ وَ الب‍ـاد.
حەج ، لەم شوێن و لەم کاتەدا ، هەمیشە و لە هەموو ئەم  ساڵانەدا ، بە زمانی پاراو و بەرز و لۆژیکی ئاشکرا ، موسوڵمانان بەرەو یەکیەتی بانگ دەکات  و ئەوە بەپێچەوانەی ویستی دوژمنانی ئیسلامە کە لە سەردەمەکاندا و بە تایبەتی لەم سەردەمەدا ، موسوڵمانانیان بۆ بەگژیەکداچونەوە هان داوە و هان ئەدەن .

 ئەمڕۆ کە سەیرێکی ئاکاری ئەمریکای  زۆردار و تاوانکار بکەن ، سیاسەتی سەرەکیی ئەوان لە هەمبەر ئیسلام و موسوڵمانان ، شەڕ نانەوەیە . ویست و هەوڵی چەپەڵیان ، کوشتاری موسوڵمانان بە دەستی یەکترە . ستەمکارانێک بە گژ گیانی  مەزڵووماندا کردن ، پشتیوانی کردن لە لایەنی ستەمکارو  سەرکوتکردنی لایەنی مەزڵووم   بە بێ زەییانەترین شێوە بە دەستی ئەو ، و خۆشکردنی ئاگری ئەم فیتنە سامناکە . موسوڵمانان دەبێ وشیار بن و ئەم سیاسەتە شەیتانیە پوچەڵ بکەنەوە . حەج رێخۆشکەری ئەم وشیاریەیە و ئەوەیە فەلسەفەی دووری کردن لە موشریکان و زۆرداران لە حەجدا .

یادی خوا ، رۆحی حەججە . لە هەر کاتێکدا دڵانی خۆمان بەم بارانی رەحمەتە ، پڕ کەین لە ژیان و شادمانی و، تەوەکول و متمانە  کە ئەسڵ و سەرچاوەی دەسەڵات و شکۆ و دادوەری و جوانیە ، لە دڵی خۆماندا ریشەدار بکەین . لەو حاڵەتەدا بەسەر پیلانی دوژمندا سەردەکەوین .

 حاجیانی ئازیز ، دوعا بۆ ئۆمەتی ئیسلامی و مەزڵوومان لە سوریا و عێراق و  فەلەستین و ئەفغانستان و یەمەن و بەحرێن و لیبی و پاکستان و کشمیر و میانمار و شوێنەکانی دیکە لە بیر مەکەن و بڕانی دەستی ئەمریکا و موستەکبەرانی دیکە لە خواوەند داوا بکەن .

والسّلام علیکم و رحمة اللّه
سیّدعلی خامنه‌ای
۲۸ مردادماه۱۳۹۷
مصادف با ۷ ذی‌الحجّة ۱۴۳۹

..................


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران