وادەی كردنەوەی دەروازەكانی حاجی ئۆمەران ‌و پەروێزخان دیارینەكراوە

وادەی كردنەوەی دەروازەكانی حاجی ئۆمەران ‌و پەروێزخان دیارینەكراوە

پێدەچێت ئێران چاوەڕێی فەرمانبەرانی عێراقی بێت

بەڕێوەبەری گشتیی پەیوەندییەكانی ئێران-عێراق لە فەرمانگەی پەیوەندییەكانی دەرەوەی هەرێمی كوردستان رایگەیاند، هیچ وادەیەك بۆ كردنەوەی دەروازەكانی حاجی ئۆمەران ‌و پەروێزخان دیارینەكراوە و، "بۆ كردنەوەی ئەو دوو دەروازەیە، پێدەچێت ئێران چاوەڕێی فەرمانبەرانی عێراقی بێت".

عەبدوڵڵا ئاكرەیی، بەڕێوەبەری گشتیی پەیوەندییەكانی ئێران-عێراق لە فەرمانگەی پەیوەندییەكانی دەرەوەی هەرێمی كوردستان بە تۆڕی میدیایی رووداوی راگەیاند، بە بەردەوامی لەگەڵ بەرپرسانی ئێران لەسەرهێڵن بۆ كردنەوەی دەروازە سنوورییەكانی حاجی ئۆمەران ‌و پەروێزخان، گوتیشی "ئەوەی تائێستا هەیە: هیچ وادەیەك بۆ كردنەوەی دەروازەكانی حاجی ئۆمەران ‌و پەروێزخان دیارینەكراوە، بەڵام ئەوەی بەناڕاستەوخۆ پێمان دەڵێن ‌و تێگەیشتووین، پێدەچێت ئێران چاوەڕێی فەرمانبەرانی عێراق بێت بچنە دەروازەكان، ئینجا بیكەنەوە، بەڵام ئەوەش بەبێ‌ رێككەوتنی هەرێمی كوردستان ‌و عێراق هەرگیز روونادات".

بەڕێوەبەری گشتیی پەیوەندییەكانی ئێران-عێراق، لە فەرمانگەی پەیوەندییەكانی دەرەوەی هەرێمی كوردستان، ئەوەشی خستەڕوو "هەر كاتێك بڕیاری كردنەوەیان بدرێت، هەردوو دەروازە سنوورییەكانی حاجی ئۆمەران ‌و پەروێزخان پێكەوە دەكرێنەوە".

دوای نزیكەی 10رۆژ لە داخستنی لەلایەن ئێرانەوە، رۆژی چوارشەممە 25-10-2017 دەروازەی نێودەوڵەتی باشماخ كرایەوە، بەڵام دەوازە سنوورییە فەرمییەكانی حاجی ئۆمەران ‌و پەروێزخان تاوەكو ئێستاش نەكراونەتەوە.

رۆژی یەكشەمە 15-10-2017 كۆماری ئیسلامی ئێران لەسەر داوای بەغدا، هەرسێ‌ خاڵە سنوورییە فەرمیەكەی: پەروێزخان ‌و باشماخ ‌و حاجی ئۆمەرانی بە رووی هەرێمی كوردستاندا داخست ‌و، تاوەكو ئێستاش تەنیا سنووری باشماخ كراوەتەوە.

بۆ بازرگانیكردن ‌و هاتووچۆی خەڵك، ئێران ‌و هەرێمی كوردستان چەندین خاڵی سنووری ‌و دەروازەی هاوبەشی فەرمییان هەیە، لەوانە: مەرزەكانی پەروێزخان، باشماخ ‌و حاجی ئۆمەران کە دەروازەی سنووری فەرمین ‌و، هەریەك لە مەرزەكانی كێلێ‌، سەیرانبەن ‌و تەوێڵەش مەرزی نیمچەفەرمین.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران