تورکیا و ڕوسیا نیگەرانن بەرامبەر بڕیارەکەی ترەمپ

 تورکیا و ڕوسیا نیگەرانن بەرامبەر بڕیارەکەی ترەمپ

بڕیارەكە بە ھەڵە وەسف دەكەن

سەرۆكی رووسیا و سەرۆك كۆماری توركیا، نیگەرانی خۆیان لە بڕیاری كشانەوەی ئەمریكا له‌ رێككه‌وتنی ئه‌تۆمی ئێران راگەیاند و بڕیارەكە بە ھەڵە وەسف دەكەن.

بە گوێرەی ئاژانسی ئەنادۆڵ، ڤلادیمێر پوتین، سەرۆكی رووسیا و ره‌جه‌ب ته‌یب ئه‌ردۆغان، سه‌رۆك كۆماری توركیا لە پەیوەندییەكی تەلەفۆنی نێوانیاندا تاوتوێی دۆخی سووریا و پرسی كشانەوەی ئەمریكا له‌ رێككه‌وتنی ئه‌تۆمی لەگەڵ ئێران كرد و بڕیارەكەی دۆناڵد ترەمپیان بۆ كشانەوە لە رێككەوتنەكە بە ھەڵە وەسفكردووە و ھاوڕابوونە لەسەر ئەوەی پێویست بوو ئەمریكا لە بری كشانەوە رێكاری دیپلۆماسی بگرێتەبەر.

ھەر بەپێی زانیارییەكانی ئەو ئاژانسە پوتین و ئەردۆغان نیگەرانی خۆیان لە گرژییەكانی ئەم دوایەی سووریا دەربڕیووە.

رۆژی 8/5/2018، دۆناڵد تره‌مپ، سه‌رۆكی ئه‌مه‌ریكا كشانه‌وه‌ی وڵاته‌كه‌ی له‌ رێككه‌وتنی ئه‌تۆمی ئێران راگه‌یاند و جه‌ختی كرده‌وه‌، ئه‌و رێككه‌وتنه‌ نه‌یتوانیوه‌ رێگری له‌ ته‌شه‌نه‌كردنی تیرۆریستان بكات. كه‌موكوڕی زۆر له‌ رێككه‌وتنه‌كه‌ی ئێران و وڵاتانی گرووپی 5+1 له‌باره‌ی پرۆگرامی ئه‌تۆمی تاران هه‌یه‌ و، وێڕای ئه‌و هه‌موو كه‌موكوڕیانه‌ش، كۆماری ئیسلامی پابه‌ندی ناوه‌ڕۆكی رێككه‌وتنه‌كه‌ نه‌بووه. رێككه‌وتنی ئه‌تۆمی ئێران، كۆسپه‌كانی به‌رده‌م تارانی هه‌ڵگرت و رێگه‌كه‌ی فراوانتر كرد، بۆئه‌وه‌ی هه‌ژموونی خۆی له‌ناوچه‌كه‌دا فراوان بكات و ده‌ست بخاته‌ كاروباری ناوخۆی وڵاتانی رۆژهه‌ڵاتی ناوه‌ڕاست


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

haj 2018
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران