ئاگر بەست پێویستە هەموو سوریا بگرێتەوە

ئاگر بەست پێویستە هەموو سوریا بگرێتەوە

ئه‌و ئاگربه‌سته‌ سنورداره‌ی له‌باشووری رۆژئاوای سوریا پێویسته‌ هه‌موو سوریا بگرێته‌وه‌.

ئێران ڕایده‌گه‌یه‌نێت، ئه‌و ئاگربه‌سته‌ سنورداره‌ی له‌باشووری رۆژئاوای سوریا له‌نێوان ئه‌مه‌ریكا و ڕوسیادا ڕێككه‌وتنی له‌سه‌ر كراوه‌، پێویسته‌ هه‌موو سوریا بگرێته‌وه‌.

بەئێی هەواڵ دەری ئەهلی بەیت: رۆژی هه‌ینی دوای كۆبونه‌وه‌یه‌كی نێوان دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مه‌ریكاو ڤلادیمێر پوتن سه‌رۆكی ڕوسیا، له‌په‌راوێزی كۆبونه‌وه‌ی لوتكه‌ی جی بیست له‌شاری هامبۆرگی ئه‌ڵمانیا، ئه‌مه‌ریكا و ڕوسیا و ئوردون گه‌یشتنه‌ ڕێكه‌وتنێك بۆ راگه‌یاندنی‌ ئاگربه‌ست له‌باشووری رۆژئاوای سوریا.

به‌هرام قاسمی، وته‌بێژی فه‌رمی وه‌زاره‌تی ده‌ره‌وه‌ی ئێران رایگه‌یاند " ئاگربه‌سته‌كه‌ ده‌توانرێت به‌رهه‌مداربێت ئه‌گه‌ر بۆ هه‌موو سوریا فراوانبكرێت و هه‌موو ئه‌و ناوچانه‌ بگرێته‌وه‌ كه‌ ئێمه‌ له‌ دانوستانه‌كانی ئه‌ستانه‌دا تاوتوێمان كردووه‌ بۆ خاوكردنه‌وه‌ی گرژییه‌كان".

وتیشی "ئێران سه‌روه‌ریی و ئاسایشی سوریای ده‌وێت بۆیه‌ ناكرێت ئاگربه‌سته‌كه‌ سنورداربكرێت بۆ شوێنێكی دیاریكراو...هیچ رێكه‌وتنێك سه‌ركه‌وتوو نابێت به‌بێ ڕه‌چاوكردنی ڕاستییه‌كانی سه‌ر مه‌یدانی جه‌نگ."

دوێنێ ئاگربه‌سته‌كه‌ كه‌وته‌ بواری جێبه‌جێكردنه‌وه‌.

روانگه‌ی‌ سوری‌ بۆ مافه‌كانی‌ مرۆڤ و دوو به‌رپرسی‌ ئۆپۆزسیۆنی‌ چه‌كداری‌ سوریا دوێنێ رایانگه‌یاند، تائێستا لایه‌نه‌كان پابه‌ندن به‌ رێككه‌وتنی‌ راگه‌یاندنی‌ ئاگربه‌ست له‌باشوری‌ خۆرئاوای‌ سوریا.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Quds cartoon 2018
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران