پاریس داوا له حکومەتی مەرکەزی دەکات پێشوازی لە دەستپێشخەریی هەرێمی کوردستان بکات

پاریس داوا له حکومەتی مەرکەزی دەکات پێشوازی لە دەستپێشخەریی هەرێمی کوردستان بکات

فەرەنسا پێشوازی لە دەستپێشخەریی حکومەتی هەرێمی کوردستان بۆ دەستپێکردنی دانوستاندن لەگەڵ حکومەتی عێراق دەکات.

بەپێی هەواڵ دەری ئەهلی بەیت(ع) ـ ابنا ـ وەزارەتی دەرەوەی فەرەنسا رایگەیاند، پێشوازی لە دەستپێشخەریی حکومەتی هەرێمی کوردستان بۆ دەستکردن بە دیالۆگ و دانوساندن لەگەڵ حکومەتی فیدراڵی عێراق دەکات، داواشی لە بەغدا کردووە بەدەم ئەو دەستپێشخەرییەوە بچێت.

ئانیێس رۆتاتێ-سپانی، گوتەبێیژی وەزارەتی دەرەوەی فەرەنسا دەڵێ "پێشنیازی حکومەتی هەرێمی کوردستان بۆ گفتوگۆیەکی کراوە لەگەڵ حکومەتی فیدراڵی عێراق لە چوارچێوەی دەستووری عێراقدا، هەنگاوێکی ئەرێنییە و هیوادارین دەسەڵاتدارانی بەغدا بەدەمییەوە بچن".

گوتەبێژەکەی وەزارەتی دەرەوەی فەرەنسا هەروەها دەڵێت "فەرەنسا بەردەوام داوای دیالۆگ و ئاسایکردنەوەی پەیوەندییەکانی نێوان هەردوولای کردووە بۆ پاراستنی یەکێتی و سەروەری خاکی عێراق، کە مافە دەستوورییەکانی کورد لەبەرچاوبگیرێت.

حکومەتی هەرێمی کوردستان رۆژی 24-10-2017  پێشنیازی کرد بۆ "راگرتنى ده‌ستبه‌جێی ته‌قه‌كردن و هه‌موو جۆره‌ كردارێكى سه‌ربازى له‌ هه‌رێمى كوردستان. سڕكردنى ئاكامى گشتپرسی و ده‌ستپێكردنى دیالۆگى كراوه‌ له‌نێوان حكومه‌تى هه‌رێمی کوردستان و حكومه‌تى فیدراڵ له‌سه‌ر بنه‌ماى ده‌ستوورى عێراق".

بەڵام ئەمڕۆ حەیدەر عەبادی، سەرۆکوەزیرانی عێراق لە تارانەوە دەستپێشخەرییەکەی حکومەتی هەرێمی کوردستانی رەتکردەوە و دەڵێت تەنیا بە هەڵوەشانەوەی گشتپرسی و پابەندبوون بە دەستوور رازی دەبێت.


بابه تی هاو پیوند

بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران