بەریتانیا پشتگیری ڕیفراندۆمەکەی هەرێم ناکات

  • کۆدی هه واڵ : 854547
  • سه ر چاوه : ckb.abna24
Brief

پشتگیری ڕیفراندۆمەکەی ٢٥ی ئەیلولی هەرێم ناکەن و زیان بە سەقامگیری ناوچەکە دەگەیەنێت



وەزارەتی دەرەوەی بەریتانیا ڕایگەیاند، پشتگیری ڕیفراندۆمەکەی ٢٥ی ئەیلولی هەرێم ناکەن و زیان بە سەقامگیری ناوچەکە دەگەیەنێت.

بە پێی هەواڵ دەری ئەهلی بەیت ع.ابنا: وەزارەتی دەرەوەی بەریتانیا لە بەیاننامەیەکدا ئاماژەی بەوە کرد، بەریتانیا پشتگیری خواستی حکومەتی هەرێم ناکات بۆ ئەنجامدانی ڕیفراندۆم لە ڕۆژی ٢٥ی ئەیلولدا، چونکە زیان بە سەقامگیری ناوچەکە و شەڕی دژی داعش دەگەیەنێت.

لە بەیاننامەکەدا ئەوەشی وتووە، بەریتانیا پێشنیازی گفتگوگۆی نوێی خستووەتە بەردەم هەرێم و بەغدا بۆ پەیوەندییەکانی داهاتوویان.

ڕاشیگەیاندووە، گفتوگۆکان پێویستە بەبێ هیچ مەرجێکی پێشەکی بن و کاتیان بۆ دیاری بکرێت بە جۆرێک هەموو کێشەکانی نێوانیان چارەسەر بکات.

وەزارەتی دەرەوەی بەریتانیا داوا لە حکومەتی هەرێم دەکات کە سود لەو دەرفەتە ببینێت و بچێتە گفتوگۆیەکی جدییەوە لەگەڵ بەغدا.

هاوکات دوێنێش کۆشکى سپى لە ڕاگەیاندراوێکدا داواى لە حکومەتى هەرێمى کوردستان کرد بڕیارى ڕیفراندۆم ڕابگرێت و هەڵیبوەشێنێتەوە و دەست بکات بە گفتوگۆى جدى لەگەڵ بەغدا بۆ چارەسەرکردنى کێشەکان.

ڕۆژی  ١٤ی ئەیلولی ٢٠١٧ سەرۆکایەتی هەرێم ڕایگەیاند، لە کۆبوونەوەی بارزانى و نوێنەرانى نەتەوە یەکگرتووەکان و ئەمریکا و بەریتانیا و فەڕەنسا و ئەڵمانیا  بەدیلی ڕیفراندۆم خراوەتەڕوو.

هەر لە ڕاگەیەندراوەکەی سەرۆکایەتی هەرێمدا ئاماژە بۆ ئەوەش کراوە کە "بارزانى وتوویەتى ئەو بابەتە لەگەڵ سەرکردایەتى سیاسى کورد باس دەکات و لە ماوەیەکى نزیکدا هەڵوێستى لە بارەوە ڕادەگەیەنن".

دوێنێش بارزانى ڕایگەیاند، ئەو بەدیلە ڕەتدەکەنەوە و ڕیفراندۆم لە کاتى خۆیدا ئەنجام دەدرێت و گوێ لە قسەى یەک کەسیش ناگرێت.

دوابەدواى ئەوەش هەر دوێنێ پەرلەمانى کوردستان لە دواى زیاتر لە ساڵێک و ١٠ مانگ لە پەکخستنى، دانیشتنێکى بە بێ فراکسیۆنەکانى گۆڕان و کۆمەڵی ئیسلامى بەڕێوەبرد و لەو دانیشتنەدا بڕیاردرا ڕیفراندۆم لەکاتى خۆیدا بەڕێوە بچێت.

بڕیارە ڕۆژى ٢٥ى ئەیلولی ٢٠١٧ ڕیفراندۆم بۆ سەربەخۆیى لە هەرێمى کوردستان و ناوچە دابڕێندراوەکانى کوردستان لە دەرەوەى ئیدارەى هەرێمى کوردستان بەڕێوە بچێت.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران