کۆشکی سپی داوا لەکۆنگرێسی ئەمەریکا دەکات لێکۆڵینەوە لە ئۆباما بکات

  • کۆدی هه واڵ : 815862
  • سه ر چاوه : ابنا 24 كوردی‌
Brief

ترەمپ و بەرپرسانی ئیدارەکەی هیچ لێدوانێکی دیکە لەو بارەیەوە نادەن تا کۆنگرێس لێکۆڵینەوەکانی تەواو نەکات.

کۆشکی سپی داوای لەکۆنگرێسی ئەمەریکا كرد لێکۆڵینەوە بکات لەبارەی ئەگەری خراپ مامەڵەکردنی ئیدارەی ئۆباما لەگەڵ دەسەڵاتی لێکۆڵینەوەدا لە میانی هەڵمەتی هەڵبژاردنی 2016، ئەوەش وەک بەشێک لەو لێکۆڵینەوانەی لەئێستادا بەڕێوەدەچن و لەدەستوەردانی روسیا دەکۆڵێتەوە لە هەڵبژاردنە سەرۆکایەتییەکەی ساڵی رابردوودا.

ئەو داوایەی کۆشکی سپی رۆژێک دوای ئەوە دێت کە دۆناڵد ترەمپ-ی سەرۆکی ئەمەریکا، باراک ئۆبامای سەرۆکی پێشووی تۆمەتبارکرد بە"چاودێریكردنی" پەیوەندیە تەلەفۆنیەكانی لەهەڵمەتی هەڵبژرادنەكاندا، لەبارەگای سەرەکی کەمپینەکەی ترەمپ کە تاوەری ترەمپ بوو لەشاری نیویۆرک.

وتەبێژی کۆشی سپی، شین سپایسەر رایگەیاند: ترەمپ و بەرپرسانی ئیدارەکەی هیچ لێدوانێکی دیکە لەو بارەیەوە نادەن تا کۆنگرێس لێکۆڵینەوەکانی تەواو نەکات.

دۆناڵد ترەمپ دوێنی لەزنجیرەیەك تویتدا لەهەژماری خۆی لە تویتەر بڵاویكردووەتەوە، باراك ئۆبامای تۆمەتبارکرد بە"چاودێریكردنی" پەیوەندیە تەلەفۆنیەكانی لەهەڵمەتی هەڵبژرادنەكاندا، هەروەها بە "كەسێكی خراپ یاخود نەخۆش" ناویبردووە.

ترەمپ ئاماژەی بەوەش کردبوو: پارێزەرێكی باش رادەسپێرێت  بۆ ئەوەی دۆسێیەكی گەورە لەسەر بنەمای ئەو راستییە یەكلاییبكاتەوە، كە ئۆباما چاودێری پەیوەندیە تەلەفۆنیەكانی كردووە بە ماوەیەكی كەم بەر لەهەڵبژاردنەكان".

لەدوای وتەکانی ترەمپەوە، وتەبێژی ئۆباما وەڵامی ئەو تۆمەتانەی دایەوەو بەهەموو شێوەیەک رەتیکردەوە سەرۆکی پێشوو کاری لەو شێوەیەی کردبێت.

كیڤن لویس وتەبێژ بەناوی باراك ئۆباما سەرۆكی پێشووی ئەمریكا رەتیكردەوە ئۆباما فەرمانی كردبێت بەچاودێریكردنی پەیوەندییە تەلەفۆنیەكانی ترەمپ.

هەروەها وتبووی "لە بنەما سەرەكیەكانی ئیدارەی ئۆباما دەبوو هیچ بەرپرسێك لە كۆشكی سپی دەستوەر نەدات لە هیچ لێكۆڵینەوەیەكی سەربەخۆ كە وەزارەتی داد ئەنجامی بدات".

وتەبێژەكەی باراك ئۆباما ئاماژەی بەوەشداوە " ئۆباما یان هیچ بەرپرسێك لە كۆشكی سپی هیچ كاتێك فەرمانیان نەكردووە بەچاودێریكردنی هاوڵاتیانی ئەمریكا."

لەهەڵبژاردنەكانی 8ی تشرینی دووەمی ساڵی رابردوودا، دۆناڵد ترەمپ كاندیدی كۆمارییەكان وەك چل‌و پێنجەمین سەرۆكی ئەمەریكا هەڵبژێردرا دوای ئەوەی توانی دەنگی زۆرینەی هاوڵاتیانی ئەو وڵاتە بەدەستبهێنێت‌و بەسەر هیلاری كلینتۆنی ركابەری‌و كاندیدی دیموكراتەكان سەركەبكەوێت.

هەرچەندە باراك ئۆباما كە لەهەڵمەتەكانی هەڵبژاردندا پشتگیری راستەوخۆی هیلاری كردو دژی ترەمپ وەستایەوە، بەڵام لەدوای دەركەوتنی ئەنجامی هەڵبژاردنەكان، پەیوەندی بەدۆناڵد ترەمپەوە كرد بۆ پیرۆزبایی كردن‌و بانگهێشتكردنی بۆ كۆشكی سپی بۆ گفتوگۆكردن لەسەر رێكارەكانی گواستنەوەی دەسەڵات.


بابه تی هاو پیوند

بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Arba'een
mourning-of-imam-hussain
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران