ترەمپ سزای بەسەر 14 قەوارە و کەسایەتی ئێرانیدا سەپاند

ترەمپ سزای بەسەر 14 قەوارە و کەسایەتی ئێرانیدا سەپاند

ترەمپ هەڵپەساردنی گەمارۆکانی سەر ئێرانی بۆ چوار مانگی دیکە درێژکردەوە

کۆشکی سپی رایگەیاند، دۆناڵد ترەمپ تەنیا ئەمجارە رێککەوتنی ئەتۆمی ئێران پەسنددەکات و ئەگەر گۆڕانکاری تێدا نەکرێت، ئەمریکا لێی دەکشێتەوە. هاوکات سزای بەسەر 14 قەوارە و کەسایەتی ئێرانیدا سەپاند.

ترەمپ بۆ چوار مانگی دیکە گەمارۆ هەڵپەسێردراوەکانی سەر ئێرانی درێژکردەوە، هەڕەشەی ئەوەش دەکات ئەگەر گۆڕانکارییان تێدا نەکرێت، ئەوا دوایین جار دەبێ هەڵپەساردنەکە درێژبکاتەوە و چوار مانگی داهاتوو گەمارۆکان بەسەر ئێراندا دەسەپێنێتەوە.

هەموو 120 رۆژ جارێک سەرۆکی ئەمریکا بڕیار لەبارەی ئەو سزایانە دەدات، کە لە ئەنجامی رێککەوتنی ئەتۆمیدا ئیدارەی ئۆباما لەسەر ئێرانی هەڵپەساردوون، ئەمڕۆ جارێکی دیکە ترەمپ هەڵپەساردنی گەمارۆکانی درێژکردەوە. بەڵام راشیگەیاندووە، ئەوە دوایین جار دەبێ ئەو واژۆیە بکات و سێ مانگی داهاتوو هەڵپەساردنی سزاکان کۆتایی پێدەهێنێت، ئەگەر گۆڕانکارییان تێدا نەکرێت.

هەر ئەمڕۆ ئیدارەی ترەمپ سزای بەسەر 14 قەوارە و کەسایەتی ئێرانی پەیوەندیدار بە دەستدرێژی لەسەر مافەکانی مرۆڤ سەپاند، کە لەنێویاندا سادق لاریجانی، سەرۆکی دەسەڵاتی دادوەری ئێران هەیە. هاوکات بەندینخانەی رەجای شاری کەرەج و غوڵامڕەزا زیایی، بەڕێوەبەری بەندینخانەکە لەنێو لیستەکەدان.

بەرپرسێكی ئەمریکی رایگەیاندووە، لەگەڵ هاوپەیمانە ئەوروپییەکانیان کار دەکەن بۆ گەیشتن بە هاوپێچێک یان هەموارکردنەوەیەکی تایبەت بە رێكکەوتنە ئەتۆمییەکە.

ئەو بەرپرسەی ئیدارەی ترەمپ دەڵێت "سەرۆک ترەمپ هەوڵدەدات دۆسیەی مووشەکە بالیستییەکانی ئێران هاوپێچی رێککەوتنە ئەتۆمییەکەی بکات".

بەگوێرەی رێککەوتنە ئەتۆمییەکەی مانگی تەممووزی ساڵی 2015، کە لەنێوان ئێران و وڵاتانی پێنج کۆ یەک واژۆکرا، حکومەتی ئێران چالاکییە ئەتۆمییەکانی بۆ ماوەی 10 ساڵ سنووردار دەکات لە بەرامبەردا ئیدارەی ئەمریکا سزاکانی سەر ئەو وڵاتە سڕ دەکات و چوار مانگ جارێک، سەرۆکی ئەمریکا ئەمریکا بڕیار لەسەر هێشتنەوە یان درێژکردنەوەی هەڵپەساردنی ئەو سزایانە دەدات.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

Quds cartoon 2018
پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران