سەعد حەریری گەیشتە فەڕەنسا

  • کۆدی هه واڵ : 867546
  • سه ر چاوه : خه ندان
سەعد حەریری، سەرۆك وەزیرانی دەستلەكاركێشاوەی لوبنان بەیانی ئەمڕۆ لەگەڵ خێزانەكەیدا گەیشتە پاریس-ی پایتەختی فەڕەنسا.

بەگوێرەی هەواڵێكی كەناڵی ئەلجەزیرە، وابڕیارە هەر ئەمڕۆ حەریری لەگەڵ ئیمانوێل ماكرۆن سەرۆكی فەڕەنسادا كۆبێتەوە.

بەرەبەیانی ئەمڕۆ حەریری رایگەیاند، لەرێگەدایە بەرەو فڕۆكەخانەی ریاز، تا لەوێوە روو لەفەڕەنسا بكات.

حەریری، لە تویتێكدا ئاماژەی بەوەكردبوو "ئەوەی كە دەووترێت لە سعودیە دەستبەسەرم و رێگام پێنادرێت ئەو وڵاتە جێبهێڵم، درۆیە... من لەرێگام بەرەو فڕۆكەخانە".

رۆژی 3ی ئەم مانگە سەعد حەریری بەسەردانێك رووی لە سعودیە كرد، بەڵام رۆژێك دواتر هەر لەو وڵاتەوە دەستلەكاركێشانەوەی لەناكاوی خۆی لەپۆستی سەرۆك وەزیرانی لوبنان راگەیاند، ئەوەش وایكرد قەیرانێكی سیاسی لە لوبنان سەرهەڵبدات و مەترسی لەسەر سەقامگیری ئەو وڵاتە بێتە ئاراوە.

لەلایەن خۆشییەوە میشێل عۆن سەرۆكی لوبنان رایگەیاند، تا ئەو كاتەی حەریری نەگەڕێتەوە وڵاتە، ئامادەنییە دەستلەكاركێشانەوەكەی پەسەند بكات، لەهەمان كاتدا عۆن سعودیەی تۆمەتباركرد بەوەی حەریری دەستبەسەركردوە.

هەفتەی رابردووش، ئیمانوێل ماكرۆن-ی سەرۆكی فەڕەنسا بانگهێشتی حەریری و خێزانەكەی كرد تا سەردانی ئەو وڵاتە بكات.

لەلایەن خۆیەوە عیقاب سەقر-ی ئەندام پەرلەمانی لوبنان لە رەوتی موستەقبەل كەلەلایەن حەریری-ەوە سەرپەرشتی دەكرێت رایگەیاند، حەریری دوای سەردانیكردنی فەڕەنسا گەشتێكی كورت بۆ وڵاتانی عەرەبی ئەنجامدەدات پێش ئەوەی بگەڕێتەوە بۆ لوبنان.


بابه تی هاو پیوند

بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران