سێهه‌م نوێژی هه‌ینی له‌ مزگه‌وتی ئه‌قسا

سێهه‌م نوێژی هه‌ینی له‌ مزگه‌وتی ئه‌قسا

250 هه‌زار نوێژخوێن سێهه‌م نوێژی هه‌ینیان له‌ مزگه‌وتی ئه‌قسا ئه‌نجامدا

له‌ شاری قودس نزیكه‌ی 250 هه‌زار نوێژخوین، سێیه‌م نوێژی هه‌ینییان له‌ مانگی ره‌مه‌زاندا له‌ مزگه‌وتی ئه‌قسا ئه‌نجامدا.

له‌ به‌یاننامه‌یه‌كدا، كه‌ فه‌رمانگه‌ی ئه‌وقافی ئیسلامی له‌ قودس بلاویكردۆته‌وه‌، ئاشكرایده‌كات: 250 هه‌زار نوێژخوین به‌شدارییان له‌ نوێژی هه‌ینی له‌ مزگه‌وتی ئه‌قسادا كردووه‌.

له‌به‌شێكی به‌یاننامه‌كه‌دا ئاماژه‌ به‌وه‌كراوه‌، له‌ شه‌وی رابردووه‌وه‌ ده‌یان هه‌زار نوێژخوێن له‌ كه‌ناری رۆژئاوا و شار و شارۆچكه‌كانی دیكه‌وه‌ روویان له‌ قودس كرد بۆ ئه‌نجامدانی نوێژی هه‌ینی له‌ ئه‌قسا، به‌لاَم هێزه‌كانی ئیسرائیل رێگه‌ی به‌ پیاوانی خوار ته‌مه‌ن 40 ساڵ نه‌داوه‌ بۆ چوونه‌ نێو قودس، هاوكات به‌بێ ره‌چاوكردنی ته‌مه‌ن و له‌دوای تێپه‌ڕینیان به‌ خاڵه‌كانی پشكنین رێگه‌یان به‌ ئافره‌تان بۆ چوونه‌ نێو شاره‌كه‌ داوه‌.

له‌به‌شێكی تری به‌یاننامه‌دا هاتووه‌، پۆلیسی ئیسرائیل رێوشوێنی توندی له‌ ته‌واوی شاری قودس گرتووه‌ته‌به‌ر و هێزه‌كانی له‌ شاره‌كه‌دا بڵاوكردووه‌ته‌وه‌.

ئه‌مه‌ له‌كاتێكدایه‌: له‌میانی گوتاری هه‌ینیدا، عه‌كره‌مه‌ سه‌بری، وتاربێژی مزگه‌وتی ئه‌قسا، ستایشی ئه‌و ده‌یان هه‌زار فه‌ڵه‌ستینییه‌ی كرد كه‌ وێرای ئه‌و ئاسته‌نگانه‌ی ئیسرائیل له‌ به‌رده‌میاندا دروستی كردووه‌، روویان له‌ ئه‌قسا كرد.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران