ئایەتوڵا سەید عەلی خامنەئی پشتیوانی ئێرانی بۆ یەکپارچەیی عێراق دووپاتکردەوە

ئایەتوڵا سەید عەلی خامنەئی پشتیوانی ئێرانی بۆ یەکپارچەیی عێراق دووپاتکردەوە

سەرۆک وەزیرانی عێراق لەگەڵ ئایەتوڵا خامنەئی ڕابەری شۆڕشی ئیسلامی ئێران کۆبووە و لە کۆبوونەوەکەشدا ئایەتوڵاخامنەئی پشتیوانی وڵاتەکەی بۆ یەکپارچەیی خاکی عێراق دووپاتکردەوە.

بە پێی هەوال دەری ئەهلی بەیت (ع) ـ ابنا ـ نوسینگەی ڕاگەیاندنی سەرۆک وەزیرانی عێراق بڵاویکردەوە، ئایەتوڵا خامنەئی لە کۆبوونەوەکەیدا لەگەڵ عەبادی وتوویەتی، عێراق وڵاتێکی بەهێز و سەرکەوتووە و مافی خۆیەتی ڕۆڵی پێشەنگ لە ناوچەکەدا ببینێت.

ئایەتوڵا خامنەئی لە کۆبوونەوەکەیدا ستایشی سەرۆک وەزیرانی عێراقیکردووە و بە فەرماندەیەکی بەهێز و حەکیم ناویبردووە وتوشیەتی ئەو سەرکەوتنانەی عێراق تۆماریکردوون بووەتە ئاماژە و پلان بۆ سەرکەوتن لە ناوچەکەدا.

هاوکات عەبادی باسی پڕۆژەکانی داهاتووی کردووە لە عێراق، و بە وتەی ئەو "پێویستە لە ڕێگەی بەرژەوەندی هاوبەش و بەرەوپێشچوونەوە بەدەست بهێندرێت نەک لەڕێگای شەڕ و پێکدادانەوە".

ئەمە لە کاتێکدایە حەیدەر عەبادی سەرۆک وەزیرانی عێراق دوێنێ گەیشتە تارانی پایتەختی ئێران و ئەمڕۆش لەگەڵ حەسەن ڕۆحانی سەرۆکی کۆماری ئیسلامی ئێران و عەلی خامنەئی ڕابەری شۆڕشی ئیسلامی ئێراندا کۆبووەوە.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

پەیامی گرینگی ڕێبەری مەزنی شۆڕشی ئیسلامیی ئێران بە بۆنەی کۆنگرەی مەزنی حەججەوە
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران